想搵部又輕又耐用的 Tablet？小編 之前推介過的 10 吋 Lenovo Yoga Tablet 2 (Windows) 至今仍然開心使用中。不過，它們較早前加推 8 吋 Yoga Tablet 2 8(Windows)，除了細部更輕巧，今次新加入 Anypen 功能，想知 8 吋還是 10 吋較好用就要睇埋落去喇！（以下有更多資料。）
隨手拿筆變小畫家？
設計上 Yoga Tablet 2 8 (Windows) 同之前型號最唔同在於加入 Anypen 功能。顧名思義功能同書寫有關，屏幕加入此技術後，隨手拿起原子筆、鉛筆等工具就可隨意在屏幕上寫字繪畫，效果遠不及 Wacom 的壓感技術，但平時寫下 Notes、小畫家畫下公仔都好夠用，而且用了保護貼都可以正常運作。唔洗指定 Stylus 好方便，想幾時畫就幾時畫，但這個功能代價係隨機冇跟藍牙 Keyboard。
▲ 只要金屬頭的物件都可用於 Anypen 上，由筆到螺絲批都冇問題。
維持 Yoga「變身」設計
Yoga Tablet 2 8 (Windows) 同之前 8 吋 Android 大至相同，設計同屬二代 Yoga「變身」設計，平板時可當手柄用、支架可正面、反面撐起機身，最後還可掛起使用。手感方面，拿住 8 吋最唔同係更輕，因為 8 吋只重 426g，相比 10 吋輕約 200g，雖然作為隨身 Tablet 400g 都幾重，但幸好有手柄設計拿住都唔太「墜手」。
▲ 8 吋版本已減磅到 426g，配合手柄設計拿起非常輕鬆。
▲ 8 吋跟 10 吋體積相比，8 吋的確明顯更輕巧。
▲ 由於 8 吋屏幕邊框更窄，因此 Windows 鍵就改到旁邊實體鍵。
▲ 底部支架可自由調較角度，方便不同角度收看。
相關文章:
【評測】《怒海戰記》 海上戰船瘋狂對射+不如理想的遊戲方式 【評測】《咒術迴戰 雙華亂舞》 2對2雙打混戰+累積咒力打出強勁術式 【評測】《Helldivers 2》 四人合作 + 戰爭氣氛代入感重
規格不變 繼續 USB 充電
規格上 Yoga Tablet 2 8 (Windows) 跟 10 吋使用相同規格，搭載 Intel Atom Z3745、2GB RAM 及 32GB 儲存空間，驟眼睇好似唔多夠用，但小編 這半年執相、剪短片都用佢，當然效率肯定比正常配置低，但感覺都唔太慢，而且有得加 MicroSD 儲存空間尚算足夠。不過，佢設計最抵讚都係可以 USB 充電，續航力官方聲稱用 10 吋同為 15 小時，而屏幕依舊為 1,920 x 1,200 解像度，尤其用 Windows 睇文字唔會起格。
▲ 搭載 Intel Atom Z3745 、2GB RAM 及 32GB 儲存空間。
▲ 雖然屏幕有 1,920 x 1,200 解像度，但 8 吋屏幕要來睇字打字就略嫌唔夠大。
▲ 前置喇叭設計，睇片時音量足夠，又有立體聲效果。
▲ 用 USB 充電，冇電都可隨時搵流動電源充電。
小編 ：少有 8 吋高解像 畫面細難用於工作
Yoga Tablet 2 8 (Windows) 更細部更輕，絕對係追求裝備輕量化嘅福音，雖然 Anypen 令功能更多元化，但如果你有諗過做文書工作，老實說 8 吋屏幕真係唔夠大，而且 8 吋致命傷係唔跟 Keyboard，除非你真係完全唔打字，齋上網、睇片、睇漫畫，但如果係咁 Android 版可能更方便喎！
售價：$3,698
查詢：Lenovo (800 938 838)
相關文章:
【評測】《怒海戰記》 海上戰船瘋狂對射+不如理想的遊戲方式 【評測】《咒術迴戰 雙華亂舞》 2對2雙打混戰+累積咒力打出強勁術式 【評測】《Helldivers 2》 四人合作 + 戰爭氣氛代入感重
分享到 :
最新影片
