暑假就到，爸媽們係咪開始煩惱緊帶小朋友去邊度放電好呢？如果厭戶外太熱，不妨考慮下去愉景新城丫！愉景新城 同 We 嘩充氣嘉年華將會係 7月24日至 8月16日連續 24日舉行「小小建築師」充氣嘉年華，係佔地二萬尺既地方設立 6大好玩區域，共有 10多款適合 3歲至 12歲小朋友參與既體驗及遊戲。今日小編就帶左同事既兩個仔 軒軒哥哥 同 杰杰細佬 試玩當中 5個遊戲。
1) 巨無霸工程師樂園
樂園最觸目既莫過於 9米 x 20米 x 7米 既主型充氣滑梯。除左夠晒大之外，充氣滑梯上面既「小小工程師」以 3D 高難度剪裁，顏色鮮艷，小朋友一見到實飛撲埋去！小朋友先由「工程車」彈床起跑，穿越「起重機」迷宮，一口氣跑上輸送機頂，再沿逾 9米高的「運輸帶」滑梯 sir 到地面，真係夠晒剌激！
智能提升：小朋友係充氣樂園中穿梭跳躍，絕對需要運用到全身的肌肉，訓練手腳協調，提升肢體動覺智能。
好玩度：★★★★★
費用：$40
▲ 杰杰細佬 sir 完一次又一次，真係一 D 都唔覺攰呢！
2) 兒童機動挖泥機
兒童機動挖泥機仿真度極高，不但外觀同操作都依照挖泥機仿製，仲要係由真實挖泥機的企業生產。挖泥機由兩支操縱桿控制轉向，以液壓系統作出伸縮、升降指令。小朋友可以坐上挖泥機並親自操控，體驗建設社區既過程，同時感受工程人員之辛勞同樂趣。
智能提升：小朋友坐上兒童機動挖泥機後，需要運用雙手靈巧地操控，完成不同的任務。除了訓練小朋友既手部大小肌肉控制外，更可以訓練佢地透過身體感覺來思考，發展肢體動覺智能。
好玩度：★★★★☆
費用：$50
▲ 軒軒哥哥同 Daddy 玩都相當投入呢！
3) 體感觸控夾禮物機
「吊臂」係基建同建築中重要既運輸工具，今次就化身成以體感隔空觸控既夾禮物機。只需係夾禮物機前做出相應既手勢就可以控制機械臂移動，夾走心儀禮物。
智能提升：體感觸控夾禮物機同傳統手控按鈕既操作玩法唔同，小朋友要成功夾走公仔需要手腦並用。
好玩度：★☆☆☆☆
費用：待定 (商場消費滿一定金額即可參加)
▲ 唔知係咪軒軒哥哥覺得 D 公仔唔太吸引呢，佢玩左一次就去左第二度了。
4) 地質探索互動體感遊戲
只要小朋友係沙堆隨意砌出不同既形狀，感應器就會掃描同投射山峻嶺等地形資訊係沙堆上。發掘到深層，還會出現流水，形成河流，甚至湖泊等效果。
智能提升：小朋友可以玩沙既同時除了可以訓練觸覺、小手肌肉及刺激想像力外，更可認識自然環境的能力同學習地理知識。
好玩度：★★☆☆☆
費用：$40
▲ 雖然小編唔係好明有咩好玩，不過兩兄弟就係玩左好耐，總算有時間定下來好好影一下相。
5) 定樁大力鎚
「打樁」係每項基礎建設不可或缺既一環。定樁大力鎚可以讓父母同小朋友一同體驗打樁既過程，加深了解打穩基礎既原理。
智能提升：建築初期必須透過打樁，保證地面有足夠抵抗壓力的強度。至於樁要打多深，則要牽涉到地質結構層與力學既計算。小朋友學習打樁的相關知識，有助發展運用數字和推理的智能。
好玩度：★★★☆☆
費用：$20/3 times
▲ 軒軒哥哥非常用力揮動鐵鎚，見到樁打得咁深，佢好滿意呢！(看來工作人員應該出左唔少力)
軒軒哥哥：「滑梯好刺激！」
今次試玩日只係展示左充氣樂園中幾個遊戲，所以佔地唔大。起初仲好擔心會令兩兄弟失望，但佢地一入場就已經好興奮，軒軒哥哥仲話滑梯好刺激添！兩兄弟只係玩滑梯都唔知玩左幾多轉，玩左 3個鐘都唔捨得走。呢度同荔園價格差唔多，免費入場，每個遊戲 10至 80蚊不等，仲要有冷氣同學到建築知識，相信到正式開放既時候，應該會吸引好多一家大細嚟玩呢！
分享到 :
最新影片
