唔經唔覺，暑假已經黎到最後一個星期喇，大家又玩夠未呢～？咩話？日日摺埋係屋企冇朋友？約 Gathering 朋友又唔應約，一係就唔齊人出黎玩，唔夠意思？今次只推薦隻 App － PlanDo 俾大家解決上述既問題啦！
有本地 Startup 團隊設計了一個社交平台－PlanDo 供用家即興約人齊齊參加活動，你鍾意做搞手的，可以開個活動出來比大家參加；覺得悶悶地唔知做咩好的，也可以透過平台找尋你有興趣的活動來參加，仲可以從中認識新朋友，擴闊社交圈子。
PlanDo 發佈了短短三個月左右，剛開始的第一個星期訊息傳送量已達到 120 萬條，而去到 6 月中，更加位列 AppStore 社交媒體類的第三位，下載量僅次於 Facebook 同 Instagram，而且香港已經有三萬名用戶。都市人日日忙住返工、返學，幾乎搵不到時間識新朋友，出去玩玩放鬆一下，即使有特如其來一天半天假期，又搵唔切朋友去玩，呢個時候 PlanDo 就幫到你製造即興機會喇。
▲PlanDo App 介面簡潔，而且用法非常簡單，但有兩個特別要求：一、要開啟定位服務； 二、要用 Facebook 賬戶登入。
▲完成以上程序就可以開始使用：Explore – 搜尋啱心水的活動、Meet – 與附近的朋友聊天 或 Moment – 分享參加活動時影的相、玩後感等等，與眾同樂。
▲PlanDo 有點像由 Event 主導的 Facebook，按入活動可見到相關資料（時間、地點、搞手），如你選擇了出席活動，就可以同搞手或其他參加者對話。
應該有不少朋友會諗到安全問題，同三唔識七的人一齊出去會唔會有危險呢？PlanDo 雖然對約出來之後發生的事不負責，但他們會監察 App 上的交流，如有特別情況便會適時警告用家。小編自己都鍾意即興搵人出去玩，唔係因為唔鍾意 Plan 定，而係工作上有太多變數會影響成個計劃，早早 Plan 定通常最後都會不了了之，而 PlanDo 睇黎都幾適合自己啦。小編覺得如果呢個 App 可以在校園內好好利用應該好好玩：開個電影聚會叫有興趣的同學一齊黎睇；開個讀書會一齊討論下閱讀心得；邀約同學一齊去 sit 某某 Professor 的堂… 不但可以認識黎自不同學系而又志同道合的同學，仲可以互相交流，不妨可以諗下係學校推廣呢！
相關文章:
AWS 與香港科學園 Idea Launcher 計劃 助初創踏上成功之路 科技園「金蛋」出遊中東 孵化 7 個創科合作項目 AI 成大勢 Talent Power Up 科技園辦香港創科職業博覽 2024
分享到 :
最新影片
