萬眾期待嘅 iPhone 6s / 6s Plus 終於開賣啦！大家唔知訂咗機未呢？之前 F5 極都買唔到？唔緊要！其實而家都有唔少網絡商接受上台出機，但究竟點樣出、邊間出先最抵玩？而家就等我哋教大家最精明嘅上台出機方案啦！
iPhone 6s / 6s Plus 買得過？5 大重點功能你要知
當然呢排真係舖天蓋地都係 iPhone 6s / 6s Plus 嘅消息，但如果你係真正用家，肯定會諗一件事：升唔升 / 入唔入手得過？咁啦，而家筆者先為大家介紹 5 個 iPhone 6s / 6s Plus 嘅重點功能，等大家自己考慮下係咪啱用啦。
一）採用更硬淨機身防拗彎
iPhone 6s / 6s Plus 均用上了更堅硬的 7000 系鋁金屬作機殼，屬航空工業同一級數，相信應有助加強機身硬淨程度，避免好似上代 iPhone 6 Plus 咁咁易拗彎機身。
二）3D Touch 熒幕加壓感更多操控方法
iPhone 6s / 6s Plus 的熒幕加入了 Taptic Engine 及全新的 3D Touch 操控模式，唔止支援壓感，仲新增 Peek 及快速動作兩項新功能，令大家手指唔洗離開熒幕都可以開啟目錄、預覽相片網頁、甚至唔洗開 APP 已經直開自拍鏡頭、瀏覽 Maps APP 地址、選擇聯絡朋友方式等，功能超強！
三）前 + 後鏡頭提升像素
維持了數代的 800 萬像素 iSight 鏡頭，終於在今次 iPhone 6s / 6s Plus 上一口氣提升至 1,200 萬，而且支援 4K 影片攝錄。此外，前置鏡頭像素亦提升至 500 萬，更加入 Retina 補光燈功能，在較暗環境下可以利用熒幕打光作補光用。
四）支援 23 頻段 LTE 世界通行
iPhone 6s / 6s Plus 亦支援更多 4G LTE 頻段，達到 23 段，此外亦加入支援 LTE-A 網絡，下載理論值最高可達 300Mbps，令大家去到世界任何地方，只要有 4G 網絡就可以快速連上互聯網。
五）新增玫瑰金女士至愛
如果大家要人哋一睇就知用緊 iPhone 6s 及 6s Plus，咁就一定要入手全新的玫瑰金色機款。當然，筆者覺得玫瑰金 iPhone 明顯是主攻女性市場。唔知大家又受唔受落呢？
其實 iPhone 6s / 6s Plus 仲有好多新功能，如果大家想知多啲？可以點按此瀏覽早前嘅 unwire 文章。
上台出機邊間最抵先？
如果大家要係 Apple Online Store 購買全新 iPhone 6s / 6s Plus，但之前錯過咗預訂日，咁就真係唔知幾時先至可以訂到，就算訂到要等送貨都有排。最快出機方法自然係上台買機，但咁多間網絡商，究竟邊間上台出機最抵？而家就同大家計計啦。
低用量（2.5GB）
▲iPhone 6s 2.5GB 月費 plan 五台比較表。
▲iPhone 6s Plus 2.5GB 月費 plan 五台比較表。
中用量（6GB）
▲iPhone 6s 6GB 月費 plan 五台比較表。
▲iPhone 6s Plus 6GB 月費 plan 五台比較表。
高用量（10GB）
▲iPhone 6s 10GB 月費 plan 四台比較表。
▲iPhone 6s Plus 10GB 月費 plan 四台比較表。
相關文章:
歐盟要求 iOS 需開放瀏覽器 第三方程式用戶激增但開發商仍然不滿 iPhone 生產靠攏印度 數量加倍佔總產量 14% Apple 擴大維修選項 將支援二手官方零件
總結 ：中國移動香港出機最抵！
整體來說，如果單考慮價錢的話以上圖表已經告訴你答案，中國移動香港無論係低、中、高用量，淨月費成本都係最便宜的。如果大家想搵間最抵玩嘅網絡商上台出 iPhone 6s / 6s Plus，中國移動香港係價錢上肯定係最佳選擇！
如果大家想瀏覽更多有關上台出機優惠資料，可以點按此瀏覽 unwire 早前刊登嘅相關文章。
抵又點，掂唔掂先?
點解會有呢篇文出現，因為我 edward 上一篇計「淨月費」計到中移最平，但同時好多讀者又對中國移動香港唔太認識， Email 黎問我到底掂唔掂，番大陸用唔用到 4G ，我就係度同各位 unwire 讀者簡單解釋一下
一）全港首個雙 4G 網絡
今次推出嘅 iPhone 6s / 6s Plus，就支援 TD-LTE 及 LTE-FDD 兩大 4G 網絡，而中國移動香港就係香港首間支援兩大 4G 網絡嘅網絡商。咁大家無論去到邊個位置，iPhone 6s / 6s Plus 配合中國移動香港嘅 4G 網絡，都可以收到最佳訊號啦。
二）一個月費，中港兩地數據共用
另外，係中國移動香港上台出 iPhone 6s / 6s Plus，仲可以享有獨家嘅中港兩地數據共用服務*，無論身處香港定係中國，無論上緊嘅係 2G、3G 定 4G 網絡，都係計落係香港申請嘅 4G Pro 月費計劃所包含嘅數據用量入面，唔洗額外收錢。咁大家無論係中國定香港，都可以隨心隨性隨時上網啦。仲有添呀，如果用中國移動香港網絡，就算係中國都一樣可以上到 Facebook 用到 Gmail 睇到 YouTube 影片，對於香港人來講，真係好體貼。
* 由即日起，中國 4G 數據服務將豁免收費至 2016 年 1 月 10 日，但仍需扣除本地 / 額外數據用量。
三）中國 4G 網絡覆蓋最大
呢項功能對於要成日番中國做嘢嘅香港人來講真係好重要，據中國移動發佈嘅 2015 年中期業績公告入面嘅資料顯示，中國移動係中國嘅 4G 基站達到 94 萬個，4G 網絡覆蓋人口超過 10 億！而且未來仲會持續增強網絡覆蓋範圍同埋網絡質素。咁大家拿住部 iPhone 6s / 6s Plus，就算返到中國工作，都唔驚 no signal 啦！
四）支援 VoLTE 高清話音功能
另外，iPhone 6s / 6s Plus 亦支援 VoLTE 高清話音功能，簡單啲講即係用 4G 網絡講電話，一來質素更好更清，二來大家講電話果時可以同時上網搵資料或者玩Facebook，三來通話接駁時間快左。而中國移動香港嘅網絡，就正正支援 VoLTE 功能，配合 iPhone 6s / 6s Plus，就可以俾到大家高清嘅話音通訊體驗啦。
總結：上台出機記住揀啱用服務！
其實每間網絡商係每年新 iPhone 推出個時，都會推出唔少新舊服務，吸收大家上台或轉台出機。但究竟啲服務係咪真係啱大家用？大家真係要逐間睇，諗清楚。如果大家係成日要番中國工作，又會用好多 data 上網，係中國移動香港上台出 iPhone 6s / 6s Plus 真係最抵玩，唔止係台費夠平，仲要中港兩地 4G 數據共用，就算番到中國要上網都唔洗另外俾錢買漫遊日費計劃，又唔洗換卡，真係方便好多。加上無論係香港定係中國，中國移動香港都有優質網絡覆蓋，點計係中國移動香港度出機都真係無得輸！
相關文章:
歐盟要求 iOS 需開放瀏覽器 第三方程式用戶激增但開發商仍然不滿 iPhone 生產靠攏印度 數量加倍佔總產量 14% Apple 擴大維修選項 將支援二手官方零件
分享到 :
最新影片
