今時今日，唔止電視來緊會有更多 4K 內容（例如：英超、劇集等），就連家中所用需要上網的智能裝置都愈來愈多，加上寬頻月費又唔算貴，就算 1000M 都係百幾蚊一個月，自然人人都想用盡佢。不過大家如果想係家中盡享 1000M 極速，唔止要揀間好嘅寬頻商，路由器係咪支援咁快網絡都好重要。TP-Link 最近就推出了 Archer AC2600 路由器，唔止支援得到，仲有 4 x 5dBi 5G + 4x 3dBi 2.4G 天線設計，加上支援 MU-MIMO 技術，就算一家人係唔同裝置上網，都唔驚俾其中一人搶哂資料，公平哂！
▲Archer AC2600 機身設計都幾靚。
▲機面設有 LED 燈顯示狀態，其實幾型。
強勁硬件 + 雙頻 + 新技術 = 一家共享極速網絡
正如前文所言，而家係屋企入面，每家人都有唔少裝置會用到寬頻，唔止每個家庭成員都有部電腦、智能手機、甚至平板，就連電視、盒子、遊戲機都要上網！Archer AC2600 就配備 1.4GHz 雙核心處理器，可以加強多工作業能力，就算同時提供網絡俾有線及無線裝置，都唔會互相影響速度。另外，它無論係入線 WAN 定係 4 個出線 LAN 插槽，都支援 1000M 速度，配合 Hardware NAT Throughput 功能，令大家可以用盡極速 1000M 寬頻速度，無論係串流睇劇定係下載檔案，都相當快速。
▲內建 1.4GHz 雙核心處理器，加強多工作業能力。
▲無論入線（WAN）定係出線（LAN）插槽都支援 1000M 速度，十分適合採用 1000M 寬頻的用家使用。
此外，它亦採用 Qualcomm 最新 Wi-Fi ac MU-MIMO 第二代晶片，即可使用無須firmware升級，它可以同時發出三個互不干擾的訊號，射向三個不同裝置。由於三個訊號之間沒有干擾，大家均是使用平等網絡資源，尤其係多用戶同時使用情況下，能將 11ac 1733Mbps 數據傳輸速率提高達 3 倍！咁嘅情況下，就算阿哥玩緊 online game、阿妹 stream 緊韓劇睇、阿媽都仲可以係電視上網追劇睇片，一家人就唔洗因為要爭頻寬而鬧交啦。
全新技術 + 8天線 (4x5GHz+4×2.4GHz) = 零死位
其實香港家居，唔少都係三尖八角或者比較長形，如果用傳輸效率一般的路由器，放係廳就房收唔到或者好弱，放係房廳又上網到網，又要另外買個訊號加強器，其實都幾麻煩。Archer AC2600 就採用全新 Beamforming Technology 智能式波束成型技術，呢種新技術可將無線訊號直接傳輸到裝置之上，大幅提高覆蓋範圍及傳輸距離。加上 Archer AC2600 配備 4 支可換式高效雙頻天線，加入 High Power Amplifier 功能，唔止令訊號更穩定，更可有效擴大覆蓋面積。咁樣就算家居設計幾三尖八角，都唔驚會再有死位啦。
▲Archer AC2600 採用全新 Beamforming Technology 技術，可有效提高覆蓋範圍同埋傳輸距離。
▲另外採用 4 天線設計，亦加入 High Power Amplifier 功能，唔止令訊號更穩定，亦同樣可有效擴大覆蓋面積。
相關文章:
HKBN x TP-Link 推全新 Priority Plus 一站式家居 Wi-Fi 方案
端子齊全 router 變身 NAS
另外，今時今日好多人出街都想睇得番屋企電腦內面嘅檔案，但又唔想長開電腦哂電，所以唔少人都會考慮架設 NAS。但對於電腦知識唔多嘅一般人來講，要佢自行架設 NAS 未必係一件容易事。Archer AC2600 係端子配備上就十分齊全，機身有 2 個 USB 3.0 插槽，只要將 USB 外置硬碟插入 router 內，就可完成架設 NAS！以後只要將檔案放入呢個硬碟入面，要係街上面隨時睇番家中檔案，真係話咁易。另外，大家同樣可以接駁舊嘅打印機，令傳統打印機可以即時變身成為無線打印機，咁第日要 print 嘢、scan 嘢就更方便，唔洗再駁線啦。
▲設有兩個 USB 3.0 端子，可以插入外置硬碟或打印機，令他們可變身成 NAS 或無線打印機。
▲當插入 USB 手指、硬碟或者打印機後，就可以係管理介面睇到相關裝置。
設定超方便手機都搞到
其實好多人唔敢買新 router 嘅原因，好大程度上係驚唔識 set，有時明明駁哂線都上唔到網，又唔知係咩原因，都真係幾煩。Archer AC2600 就設有手機 APPS，只要係 App Store（iOS）/ Play Store（Android）下載 TP-LINK Tether App，然後駁好哂線，之後係手機只需要 3 個步驟，就可以係 30 秒內完成路由器設定。之後仲可以用呢個 APP 管理路由器設定，就算一般用家都可以係 5 分鐘內學曉點用。
▲無論係用 iPhone 定係 Android 手機都可以下載 TP-LINK Tether APP 為路由器進行設定。
▲之後登入戶口並接駁路由器，然後按指示進行設定就 ok 了，十分簡單。
▲以後要管理 router 就連電腦都唔洗開。
另外，Archer AC2600 亦設有 Guest Network，可以預先設定供客人使用的 Wi-Fi 網絡，當有朋友到訪家中，就可以請他們使用呢個網絡。而由於客人網絡同主人網絡偽完全隔開，而且只可以用作瀏覽網頁或進行無線列印，不能連結去主人網絡，咁樣大家就唔驚朋友無意中侵犯你的私隱啦。用家仲可以設定瀏覽網頁連線時間，又可以限制無線用戶之間的通訊，要保障網絡安全真係話咁易。
售價：$2,068
查詢：Everbest（2541 2982）
相關文章:
HKBN x TP-Link 推全新 Priority Plus 一站式家居 Wi-Fi 方案
分享到 :
最新影片
