今時今日香港地百物騰貴，樣樣嘢價錢幾乎都只會有加無減，至於結婚擺酒方面當然亦跟隨這個大趨勢，去酒樓擺酒閒閒地都要幾千蚊一圍，所以如今結婚好多人都要諗過度過。不過若然大家真的想平平地擺一餐結婚酒，而家機會就來了！因為家陣麥當勞都終於推出結婚派對服務，最平只需 2,999 港元便可搞掂！
話說有一個肯同你捱麥記的女友是一件幸福的事，不過如果佢更肯同你喺麥記擺酒，咁就似乎真係娶得過了。講番今次麥記推出的結婚派對服務，對於想結婚的窮 L 來說絕對是一大福音，因為相比起喺酒樓擺酒平一大截，例如麥記會推出 4 個不同套餐，當中最平可請 20 位賓客的套餐唔計立雜嘢只需 2,999 港元，最貴的 50 位賓客套餐亦唔駛過萬（9,999 港元），而最重要的是大家將可以擁有一個非一般的結婚 party，係咪好正先？
至於這幾個結婚派對套餐亦唔算揸流灘，因為當中除包咗場地租用 2 小時外，同時亦會有埋中式或西式場地基本佈置、音響設備及司儀等。除此之外，套餐同時還會提供埋邀請卡及感謝卡，而新人及嘉賓亦會收到禮物。擺得酒當然亦唔少得有嘢食，而每個套餐將會包括有一定限額之內的麥記美食，例如 2,999 元套餐就會有 1,000 元以內的食物。至於如大家覺得 default 嘅佈置唔夠，甚至更可額外俾錢揀其他裝飾。
來源：麥當勞
相關文章:
麥當勞亞洲多國死機 香港區 App 及自動售賣機暫停落單
分享到 :
最新影片
