又到聖誕啦！Lenovo 就趁依個普天同慶嘅大日子臨近推出一系列產品，包括「Surface」型 Tablet －IdeaPad Miix700、打機筆電 IdeaPad Y700 及以下有籮文為大家介紹的 Yoga 900。Yoga 900 主打輕巧，厚 14.9 mm，重 1.29 公斤，當然繼續有 Yoga 特色的 360度摺疊螢幕。想知更多請閱讀以下文章。
錶鏈鉸位 耐用得黎又幾特別
Yoga 900 延續 Yoga 3 Pro 嘅簡約時尚設計，有三款色系可供選購，包括橙色、香檳金及鉑金銀，而鉑金銀只可於 Lenovo 網上商店買到。Yoga 900 叫得 Yoga 就係因為用上 360度鉸位用上外露錶鏈設計，一來更耐用，二來銀色錶鏈閃令令，都幾特別，其實 Lenovo 可以考慮出金色錶鏈鉸位，可以更添霸氣。話雖如此，錶鏈鉸位成為整個機身一個點綴，睇黎錶鏈鉸位設計將會成為以後 Yoga 系列的特徵。
相關文章:
Lenovo 發佈 2024 全新 LEGION + LOQ 電競筆電 內建全新散熱系統 + Intel 14 代 HX CPU Lenovo 發佈 2024 Yoga 系列新品 擁獨立 AI 晶片強化效能 + 提升使用體驗 Lenovo Legion Tab 電競平板 國際版發表 5,100 港元起
360度 任你摺 四個使用模式
作為 Yoga 系列筆電，當然繼續有四個使用模式，適合不同場合不同用途使用。相常最常被用到的是筆電模式。想拎起當 Tablet 用亦得。如果搭車或者搭飛機，要喺陝窄空間放低喺枱上睇片，就用帳幕模式，最少嘅空間都可以企得穩陣。用家如果要做 Presentation，直立模式幫到手。Yoga 900 雖然有13.3吋螢幕，但重量僅由 1.29 公斤起，厚度亦只有 14.9 毫米，籮文拎上手當 Tablet 用都唔覺得吃力。
▲Yoga 900 雖然有13.3吋螢幕，但重量僅由 1.29 公斤起，厚度亦只有 14.9 毫米，籮文拎上手當 Tablet 用都唔覺得吃力。
▲如果搭車或者搭飛機，要喺陝窄空間放低喺枱上睇片，就用帳幕模式，最少嘅空間都可以企得穩陣
機身雖然輕薄 Keyboard 仍然好手感
雖然機身非常輕巧，但鍵盤手感上 Lenovo 都冇妥協。按鍵深度雖淺，但回彈感亦很足夠，打字絕對可以打到啪啪聲。按鍵大小和按鍵之間的空位對於籮文講都算適中，但 Lenovo 筆電的按鍵形狀都係怪怪的，我就覺得簡簡單單正方形較好看。而鍵盤與 Trackpad 之間有足夠空間，使用鍵盤時手腕不易誤觸 Trackpad。而 Trackpad 方面，籮文就覺得有啲黏手，唔夠順滑。（始終用慣 MacBook）
▲按鍵大小和按鍵之間的空位對於籮文講都算適中，但 Lenovo 筆電的按鍵形狀都係怪怪的
▲按鍵深度雖淺，但回彈感亦很足夠，打字絕對可以打到啪啪聲。
QHD+ 靚螢幕 視角特闊
採用 IPS LCD 13.3吋觸控螢幕，Yoga 900 螢幕色彩特別鮮明，而且可視角特別廣闊，接近 180度的側面視角亦可以睇到清?畫面。記者會當日，太陽特別猛，強光照入窗邊的 Yoga 900 上，籮文將亮度調到最高都只能勉強閱讀畫面上文字，可見 Yoga 900 螢幕亮度唔係好夠，3200 x 1800 接近 4K 的解像度，細緻度非常高，但亮度不足始終嚴重。而聲音方面搭載 JBL 1.5W 立體聲喇叭，籮文實際聽起上黎就覺得「合格」，音量都足夠，但開到9成就開始拆。
▲Yoga 900 螢幕色彩特別鮮明，而且可視角特別廣闊，接近 180度的側面視角亦可以睇到清?畫面
▲3200 x 1800 接近 4K 的解像度，細緻度非常高
有 USB 3.0 Type C 接口
連接性方面，Yoga 900 分別有2個 Type A USB 3.0，1個 USB 2.0 及 1個 Type C USB 3.0，似乎 Lenevo 都為免跟車太貼，保守地只設定一個 Type C 接口。另外還有一個 Micro HDMI – Out ，用家可以開會時接駁投影機或大電視用。亦有 4合1 讀卡咭器（SD, SDHC, SDXC, MMC），連接性上都算足夠日常使用。
相關文章:
Lenovo 發佈 2024 全新 LEGION + LOQ 電競筆電 內建全新散熱系統 + Intel 14 代 HX CPU Lenovo 發佈 2024 Yoga 系列新品 擁獨立 AI 晶片強化效能 + 提升使用體驗 Lenovo Legion Tab 電競平板 國際版發表 5,100 港元起
籮文：「貴兩千 最高可行 i7 」
Yoga 900 實在主打輕巧靈活，錶鏈鉸位設計亦十分有特色。除外表之外，Yoga 900 同時有高配置，最高可以行 第 6 代 Intel Core 處理器，籮文當場試過其速度，就算開幾個 YouTube 播住片再操作其他程式亦未見有任何窒機。而 12月期間買指定型號 Lenovo 產品就可以免費獲得運動相機、Monster N-Tune 耳機 或 藍芽耳機，如果要買就快啲趁有優惠時買，因為我覺得原價都幾貴下。
查詢：Lenovo HK
相關文章:
Lenovo 發佈 2024 全新 LEGION + LOQ 電競筆電 內建全新散熱系統 + Intel 14 代 HX CPU Lenovo 發佈 2024 Yoga 系列新品 擁獨立 AI 晶片強化效能 + 提升使用體驗 Lenovo Legion Tab 電競平板 國際版發表 5,100 港元起
分享到 :
最新影片
