用得 Android 機就點都會用 Google Play，無論喺裝新 Apps 定更新，點都會用到 Google Play，除非有時要跨區 Download 先有可能用到 APK。但唔知各位 wire 民有冇試過，有時 Download 緊 Update 嘅時候,Google Play 會突然「罷工」，下載緊會斷線，者甚至開唔返 Google Play，除咗 Reboot 之外仲有冇其他即時解決方法呢？
其實解決方法都有好幾種，大家可以睇情況而選擇唔同嘅方法，當然簡單方法已經可以解決到問題就最好。
第一招：檢查下載管理員
未能於 Google Play 下載程式，其中一個可能原因是裝置的「下載管理員」停用了。大家只要在設定中打開應用程式管理員，找出下載管理員，重新開啟就可以喇，但如果見到正在使用中，就證明問題與它無關。
第二招：清空 Google Play 快取
好多時出現錯誤都喺因為上次使用時出現錯誤訊息，所以之後再用就會 Load 返上次的錯誤，如果真喺咁，只要清空快取就能解決問題。
相關文章:
日本或立法引入第三方 App Store 防止 Apple Google 壟斷 Palworld 官方澄清未推出手機版 稱已向 Apple Google 反映
第三招：清空 Google Play 資料
除咗清空快取外，清空資料讓程式還原基本步，都是一個可行的方法。
第四招：清空 Play Service 快取及資料
Play Service 可以話喺 Google Play 的靈魂，會直接令到 Play 服務是否運作正常。Play 服務可以照用清空快取同資料方式，嘗試解決問題。
第五招：重裝 Google Play
若果大家發覺 Google Play 更新之後先有問題嘅話，最簡單方法就先解除所有 Google Play 更新，再重新下載及安裝最新版 Google Play。
第六招：重裝 Google Play 服務
當考慮重裝時，除了 Google Play 程式本身之外，可以同時考慮先解除所有 Play 服務的更新，再重新安裝，協助解決個別版本程式出現衝突的問題。
相關文章:
日本或立法引入第三方 App Store 防止 Apple Google 壟斷 Palworld 官方澄清未推出手機版 稱已向 Apple Google 反映
第七招：重新連接 Google 賬戶
如果上述的各種方法都解決唔到問題，可以考慮重新連接 Google 賬戶。在設定中，有一項會是裝置的賬戶管理，進入後可以移除原有的 Google 賬戶，再重新加入，要但注意移除賬戶會有機會影響部份程式運作。
第八招：裝置返回原廠設定
最終極的招式，如非必要都不要使用！若全部方法都解決唔到問題，各位 wire 民真唯一可以做就喺洗機砍掉重練。不過，洗機前大家要先做到備份，否則內裡的資料將會一去無回頭。
相關文章:
日本或立法引入第三方 App Store 防止 Apple Google 壟斷 Palworld 官方澄清未推出手機版 稱已向 Apple Google 反映
分享到 :
最新影片
