用藍光燈機漂牙唔係咩新科技，不過唔少愛美的女士會不惜花上千元到牙醫診所漂牙，希望擁有一副如明星般的潔白牙齒。當然亦有唔少慳家之人選擇代替品，希望數百元的家用版可以得到同樣效果。而最近呢部韓國的家用藍光牙齒美白機的出現，好似又再起漂牙熱，於是我依莉詩就借來一試。
手機取電輕巧方便
以往的藍光漂牙機都係用乾電池推動，一來比較重，咬 10分鐘通常都會攰，二來光度有可能受乾電池電量影響令照射不平均，而 Dr.Smile 呢部漂牙機就由手機取電，相對較輕。如果手機電量不足 30% 係唔會著，咁就唔怕會照照下電力不足。至於牙套上有 20幾粒 LED燈，使用時會發出 10 條特殊波長的 LED 光束，激活漂牙劑以達致美白牙齒的效果。
▲ 套裝內包括牙齒美白機 1部、Apple Lightning / Android 駁頭 1 個 同 牙齒美白 Gel 10 支。
▲ 每部牙齒美白機都有 20幾粒 LED燈，使用時會發出 10 條特殊波長的 LED 光束，激活漂牙劑以達致美白牙齒的效果。
唔痛唔癢 9 分鐘即白
牙齒美白機的主要原理係利用藍光激活漂牙劑以達致美白牙齒的效果，所以照燈之前雖然刷牙並抹乾牙齒上的水漬，然後將牙齒美白 Gel 均勻地塗上牙齒上。塗 Gel 的時候要小心唔好塗到牙肉，如果唔係照燈時就有可能會嗱，不過正常只會 feel 到涼涼地的感覺，而 Gel 的味道好似潄口水，唔會太難聞，要忍住 9分鐘唔吞口水都可以接受。至於效果方面，官方稱可以去除牙齒表面既變色物質，咖啡漬茶漬煙漬，不過我好少飲咖啡、茶又唔食煙所以都試唔到，而用咗一次之後，D 門明顯白咗少少咁啦。真正要做到診所漂牙的效果，我諗要做多幾次先得。
▲ 咬住牙套之後，藍光 9 分鐘後會自動熄滅，唔會照過龍。
▲ 用完一次之後，上排牙齒白咗少少，而下排比較黃的牙就分別不大，我諗要完成整個療程先有到診所漂牙的效果。
相關文章:
Apple Store 首爾弘大店開幕 成為亞太區第 100 間分店 韓國男團 BTS 經理人公司 控告韓國軍隊手機程式擅用成員肖像
1日支定量衛生
唔少人都擔心會塗得過多或者過少漂牙劑的問題，而呢套牙齒美白機包埋 10 支牙 Gel，每支都係獨立包裝，早晚刷牙後使用，一日用一支，衛生之餘，唔會話用得太多或太少。官方聲稱使用 5 日，平均牙齒美白效果有 3.12 個色階。不過咁講白得幾多要睇平時食得多唔多色素啦！
依莉詩：「真係即時白咗少少！」
開頭睇番 D 舊新聞話有人不適當使用家用藍牙漂牙機襯變「孖潤腸」真係驚驚地，不過要擁有一副如明星般的潔白牙齒點都會有少少風險嘅。好彩呢套牙齒美白機同 Gel 都係由韓國製造，加上 Gel 每支獨立包裝，衛生之餘唔怕塗多塗少，咁我先有信心試。用的時候都唔會嗱，只係涼涼地同有陣淡淡潄口水味，而且牙套都好啱口型，所以 9分鐘唔吞口水都唔會太難受。而最開心係，用咗一次就白咗少少，希望完成整個療程之後 D 牙會白白淨啦！
Dr.Smile 家用藍光牙齒美白機
售價：$650
相關文章:
Apple Store 首爾弘大店開幕 成為亞太區第 100 間分店 韓國男團 BTS 經理人公司 控告韓國軍隊手機程式擅用成員肖像
分享到 :
最新影片
