大家都知熊大今年多咗個妹妹，今日佢就特登嚟到朗豪坊同粉絲見面，仲帶埋 CHOCO 限量版精品同小食添！就等我依莉詩介紹下啦！
3米高 CHOCO 公仔坐鎮
今次展覽同 Pop-up Store 放埋一齊，雖然位置細咗，不過都不乏影相位，入口一隻 3米高巨型 CHOCO 以甜美少女造型亮相，毛茸茸超可愛。再行兩步有 9個 LINE Friends 3D公仔等住同你自拍。除咗有哥哥熊大、兔兔 CONY、好朋友SALLY、LEONARD 外，更有第一次出場嘅 CHOCO 緋聞男友 PANGYO。大家都忙緊為 Party 做好準備呢！
▲ LEONARD 係草叢中笑得好開心。
▲ CHOCO緋聞男友 PANGYO 似乎想係哥哥熊大口中套口風波！
▲ CHOCO HOUSE 以粉色做主調超級夢幻。
▲ CONY 係化妝間忙緊揀配戴邊個頭飾。
▲ 化裝間掛住 CHOCO 嘅靚相。
▲ CHOCO 喺露台一邊食波板糖一邊同大家揮手。
▲ Pop-up Store 後面都係好型嘅影相位，唔1錯過啊！
▲ 唔講唔知 CHOCO 登上咗最新一期 NYLON 雜誌封面，果然係走在時代尖端。
CHOCO 精品獨家發售
展覽嘅大部份位置都係 Pop-up Store，入面除了平時 LINE Store 都有得賣嘅精品外，仲有新推出嘅 CHOCO 精品。當中的 CHOCO Cushion 同 行李牌更加只係朗豪坊獨家發售，睇嚟會引來一大班 LINE Fans 搶購。
▲ Pop-up Store 有大量 LINE Friends 精品。
▲ 就連新推出嘅 CHOCO 精品都有啊！
▲ 30cm 熊妹 Cushion ($200) 只係喺呢度先有得賣啊！
▲ 熊妹行李牌 ($95) 都係獨定發售，一於掛住佢去旅行吧！
▲ 熊妹原子筆 ($30) 款款唔同造型，但都離唔開可愛兩個字。
▲ 有咗日程薄 $65 (左)、筆記薄$40 (右) ，溫書都勤力啲。
▲ 手提鏡 $100 (右) 啱晒同 CHOCO 一樣鍾意代妝嘅你。
▲ 滑鼠墊 $40 (左)同 文件夾 $15 (右) 同樣可愛呢！
必食熊大雪條
除咗 POP-up Store ，旁邊仲有限定美食車，LINE Friends 朱古力味爆谷、朱古力同曲奇等，款款包裝精美，望住都唔捨得食呢！而 10月中更會推出全球首賣嘅 LINE Friends 雪條，超級期待呢！
▲ 美食車旁邊有 CONY 同 LEONARD 係到等食！
▲ 雪呢嗱咩雪條(左)、朱古力味雪條(中) 同 芒果味雪條(右) $40，印有 LINE Friends 嘅大頭，連雪條捧都有圖案，可愛到唔捨得食。
▲ 曲奇 ($145) 好似拼圖咁，有得食又有得玩。
▲ 金磚朱古力 ($180) 十分土豪。
▲ 包裝靚靚嘅禮盒 ($224) 好有日本風味。
依莉詩：「粉色 Doll House 超夢幻」
今次嘅展覽將 Pop-up Store 搬埋去中庭，比之前嘅展覽規模細咗唔少，不過都仲有唔少影相位，3米高的 CHOCO 毛茸茸好可愛，而入面的 CHOCO HOUSE 以粉色風格為主，超級夢幻，係入面影相連自己都變埋公仔呢！至於 Pop-up Store 今次終於有獨家精品，當中嘅熊妹 Cushion 超得意，一定會引起搶購潮！
CHOCO HOUSE
日期：2016年 10月1日 至 10月31日 (上午 11時至 晚上 11時)
地點：朗豪坊4樓通天廣場
分享到 :
最新影片
