有車一族都想加入 Uber 賺外快，現在只有綿羊仔，甚至無車都可以加入 Uber 做「外賣仔」賺外快！事關 UberEATS 將於明天 10點登陸香港了！
灣仔至堅尼地城率先試行
Uber 今天宣布 UberEATS 送餐服務將於 10月14日正式進軍香港，並於早上十時正起接受食客訂餐。不過服務推出初期送餐服務範圍只包括灣仔、金鐘、中環、蘇豪、半山、上環、西營盤及堅尼地城。UberEATS香港總經理林灝哲表示：「選擇中上環區主要因為人口密度高，辦公室比較多，對送餐服務有一定需求。」港島、九龍、新界其他地區的朋友就需要等多數個月了。
▲ 繼新加坡和東京分別於 5月和 9月推出後，香港將成為亞洲區第三個提供 UberEATS 送餐服務的城市。
250家餐廳投入服務
目前 UberEATS 已經與超過250家餐廳合作，當中包括不同種類及價格的菜式。除了外賣經常食的炸雞薄餅外，當中更有點心及竹蔗水等美食，有超過百分之二十的餐廳是首次提供送餐服務。而開業期間不設最低訂餐金額及不收取送餐費用，就算自己一個都可以使用，方便經常 OT 的打工仔。
▲ 雖然 UberEATS 表示將會為餐廳安排攝影服務，並加入相片於菜單，不過目前每間餐廳只有一張相，而菜單內就只有菜式名，難以想像食物的味道。
▲ 合作餐廳包括Chôm Chôm、Jinjuu、來佬餐館、公利真料竹蔗水等，當中有大集團亦有小餐廳，可以選擇。
▲ 因應送餐地址和餐廳之間的距離， UberEATS 會安排「外賣仔」以電單車或步行運送。
▲ 雖然目前送餐服務的 App 已經很多，但用開 Uber 的朋友應該都會願意成為「白老鼠」吧！
相關文章:
Uber 向澳洲的士賠償約 14 億港元 成全球首例 消委會測試外賣平台送餐準時度 最遲一次遲到 19 分鐘
分享到 :
最新影片
