港女都用好多唔同嘅社交媒體，FB、IG、Snapchat、 Twitter 等都搵到港女嘅足跡。我仲會好勤力出 post 添，不過每個平台 present 出嚟嘅港女都有啲唔同，因為唔同嘅朋友圈子想睇嘅內容都唔一樣。
例如，FB 入面嘅港女係咁多個平台入面最正經㗎喇，經常分享時事資訊、同工作相關嘅內容等；IG 就風花雪月好多，有好多風景、旅行照等等；Snapchat 就癲啲嘅，因為大部分都係一次性即棄內容，send 無聊嘢畀人就最啱喇（誤）。
最近港女有見大家喺各個平台好興奮咁自發一啲 #onemonthchallenge （亂譯：一個月挑戰），例如日日跑步 X 公里、日日 X 下掌上壓、日日 4 點起身等。適逢有朋友s 向港女提議一個幾好玩嘅主題，於是港女參上玩 #onemonthchallenge，仲利用埋唔同平台，屈大家同為我打氣 尋求大家嘅支持同鼓勵。
至於個主題係咩：就係連續 30 日，日日化行個妝同埋著唔同款式嘅衫返工…
其實今日只係第四日，港女已經開始力有不逮，真係好 chur… 港女雖然名為港女，實質係頹底。如果嗰日全日坐喺公司對住個電腦，港女個妝真係有咁淡得咁淡；如果要見人，就會著得好睇啲，望落精神啲。嘩，而家日日都要整到去飲咁返工，真係 literally 玩自己（雖然唔係第一次，上一次請按此）。
但最慘慘豬嘅，都唔係要襯衫、化妝，而係港女洗濕咗個頭，日日都要出 post 畀朋友仔知道自己嘅進度，好有動力㗎，哈哈哈… 咪當畀人笑下囉，好在我唔係明星咋。
分享到 :
最新影片
