當初 iPhone 炒賣情況令很多人都覺得港失控，想不到今天 Android Phone 亦做到此效果。這幾天有少量水量 Galaxy SII 到先達場，一到場便立即被清空，很多商舖都表示下星期一才有貨到。想買現貨嗎? 付 $12,800 大元吧! 最新的現貨炒價已經高 $12,800 ！相信這是自 iPhone 後被水貨商人大大炒起的智能手機了。

這一年不少港人靠炒賣 iPhone 賺了不少錢，但今天應該正式劃上句號了。最新回收價 iPhone4 16GB $4,850 – $4,950 ,炒家們如果還未出貨的話恐怕要蝕放了，早前不少人 收到風已經cut 單但還要收 15% 手續費，令不少炒家搖頭嘆息。先達幾間水貨店都表示，現iPhone4供貨非常充足，巿場需求正在減少，他們不願冒險再入貨。(8:30pm 更新 :近七時開始，先達有大量放機人潮湧現，最低回收由 4,900 再跌至 4,850．．．．．)

炒賣 Apple 產品在先達已令到不少水貨商人發達。不過今次 iPad2 不單賺不到還要蝕！筆者今日訪問了幾間水貨店，他們都覺得今次 iPad2 「中晒招」！當中還出現了一些怪現象..

由於澳洲水貨下週大批到港，再加上內地對於 16GB ipad2 認為容量過少，水貨店務求盡快清貨，令  iPad 2 16GB wifi 的售價應聲下跌，最新售價為 $5,980 。受日本地震影響，先達的數碼通力估計暫時 Apple 還有一定的存貨，相信最快一個月後才會見到真正的影響。全新 iPad 1 16GB 的回收貨再次回落到 $2,800 ，二手價九成新也只收 1,300 – 1,500。先之達人聽到呢個回收價覺得，千多元賣出去倒不如把 iPad 放在家中當數碼相架／時鐘／電腦第二熒幕不是更好嗎?
Updated：最新消息，如果大家願意多行兩步，到星際或好景放機，16GB Wi-Fi 版 iPad 隨時可以去到 2,000，筍呀喂！
*** 想更緊貼更多著數資訊的話，請讚好 加入我們，每天就會收到最新的免費資訊了，一定不會錯過 ***

早前 iPad2 的出現，令到早前全新 iPad 1 的回收價不單沒有錢賺，還要蝕上幾百元。因為 iPad 2炒價過於昂貴，近日有很多人轉為用平價購入 iPad 1，尤其是 iPad 1 16GB wifi 版更加吸引。不過今天官網的 iPad1 16G wifi 版選項已被移除，再加上大部份 Reseller Shop 都沒有現貨供應，回收價立即反彈上升，隨帶二手 iPad 回收價也一併反彈，如果機身狀況良好的話，蝕不到一千元就可以放出。
*** 想更緊貼更多著數資訊的話，請讚好 加入我們，每天就會收到最新的免費資訊了，一定不會錯過 ***

iPad 2 剛公佈，相信很多想升級的人開始放機。給大家參考一下今日最新的 iPad  回收價，全新未開盒的就照新的官方訂價減 200，如果是舊機就話視乎機身情況而定，若果是齊盒齊配件，機身又keep得好的話，16GB wifi 收 $1,500 而 32GB wifi 版收 $2,500 。另外先達的數碼動力指，第一批水貨 iPad 2 將會於 12- 14 號到港，有興趣的朋友可以先下 1,000 訂金，但暫時售價未定，到貨後客戶覺得當時售價唔合心水的話就可以退訂。保養方面由店舖自行提供，購買後一年內，部 iPad 有咩「衫長褲短」，拿番佢哋舖頭，就會幫你免費運番美國整，仲要包埋任何零件費，搞掂之後又運番香港俾番你。
*** 想更緊貼更多著數資訊的話，請讚好 加入我們，每天就會收到最新的免費資訊了，一定不會錯過 ***

我先之達人好耐無行開腦場，本來想落去買個 Galaxy S 套，點止行過見到有隻 KingSpec 2.5 吋 SSD 32 GB 賣 $490 仲有埋 USB 線送，嘩!真係估唔到而家o的 SSD 平成咁，問 Sales 哥仔原來佢話個代理呢排做特價先有咁平，我好鍾意佢插得電腦時又可以插 USB 2.0 當 External 用，真係萬一大吉利事 SSD 入面個 Windows Boot 唔起我都可以插 USB 抄番 d File 出黎嘛! 哥仔仲話有兩年保養添，第一年仲係壞一換一保証，真係唔係賣告白，我自己都即時掃番隻自用

日日都睇 iPhone 4 o既消息，夠皮未？都係時候轉o下話題喇o卦！今日先之達人行先達果陣，特登問o下班大佬呢排除左 iPhone 4，仲有咩機多人問？答案竟然係三叔部Galaxy S！部機逆市升價，真係有 D跌眼鏡！

好勒！iPhone 4 機價同月費已經塵埃落定，到底點解出機最抵，遲少少unwire.hk 各位仁兄自然會俾意見大家，而我先之達人當然係俾先達o既數據大家參考，即係 iPhone 3G 同 3GS o既最新回收價，咁大家就可以計一計舊機換到幾多彈葯去買 iPhone 4 勒！

iPhone 4 行貨仲未出，o係街仲未係人人有部o係手o既時候，如果你有部o係手，肯定你會成為人群中o既焦點。你手中o個部仲要係白色機o既話，嘩！不得了！鬼佬都會望多你幾眼！事關連美國都要年尾先出呀！尋日先之達人經過先達 1 樓，竟然見到有人拎住一部喎，究竟係乜野來歷？唔通係山寨機？

iPad 水貨賣左接近四個月，尋日出行貨，全港銷售點仍然排晒長龍，真係除左 Apple 都冇第二個牌子o既產品會有呢種奇跡！雖然人龍當中，真正用家一定佔大多數，但其實炒家都有唔少，因為先之達人知道好多先達舖都請左成班人去排隊，掃到大批貨返舖頭慢慢炒。