2010新趨勢! 筆電店鋪轉戰黃金高登

若果大家近日行經灣電、旺電，一定會發現業內兩家老牌的 notebook舖頭 P字頭和S字頭已先後「人去樓空」。事出定必有因，問一問腦場人士便立即知道發生咩事了。身為店長的腦友A指出，灣電的租金一加再加，舖位租金閑閑地已經升到 17,18萬，大家都可以計下數要賣幾多部機先返到本。相反，黃金租金平一大截而且市場上越來越多格價人士出現，買機好自然就會走去黃金、高登慢慢揀。腦友 A 仲話，2間大舖黎緊都會係SSP(深水土步)開舖，時間就估計應該係新年前後，想買水貨機? 到時自己落場去望下囉!

最新影片