好多時見啲客一家大細又或是三五知己黎買手機，個客試緊機的時候總會聽到一句野 「手機?打到電話咪得囉，又影相又打機攪咁多做乜」。呢句野真係無處不在，總之係你選購手機又或者同朋友比併手機的時候，總有人會講呢句鬼野，仲要扮到好有見地咁，真係吹佢唔漲。呢句野表面上好似好有道理，實情係呢班人心態仲停留係遠古時代。
首先，點解要有手提電話？ 就係為了方便隨機隨地通訊溝通，換言之電話係一種人與人溝通的工具。以前電話溝通模式只局限於點對點的話音通訊，但現今科技發達，手機已擁有更多的通訊模式，例如 MMS 可把圖畫及文字傳送，再進一步的電子郵件更可以夾雜各種電子媒體。近年 SmartPhone 加 HSDPA 普及，電話再唔局限於點對點的通訊工具，例如你可以即時拍攝影片或相片，即時發佈到 Blog、Youtube、Facebook 上，讓你的朋友甚至是全世界的人看到你的訊息。可能你會話呢d野只係娛樂玩意，就算我手機用不到也沒所謂，咁你就大錯特錯！好多商業人士已經享受緊呢種多媒體多點式溝通模式，佢地會用 MSN , EMAIL 去大大減低 IDD 的資出，甚至使用 VoIP (Skype) 取代 IDD ，咁樣就算公司同客分隔兩地都可以即時 亙通資訊。如果佢地仲只係使用傳統的單點式話音電話，會失去好多商機。所以電話發展到今時今日，電話仍然依舊係一種人與人的通訊工具，只係形式上有所不同。
當然係現今資訊發達的社會，你可以成為一股清泉繼續使用舊式手機，但唔該唔好係人地玩緊手機又或者買緊電話的時候再講出一句「手機?打到電話咪得囉！」你會唔會人地買車時講句:「車?行到咪得囉，做咩要有 GPS/冷氣/車尾箱/Turbo/…..呢?」，請與時並進吧！不過最後串哥又覺得有 d 手機廠又係幫唔落，一味注重上網，影相，打機，但最原始的話音功能就偏偏做到好馬虎，收唔好、多雜音、話音細聲、沙聲乜問題都有！都係 MO 記好，今時今日仲有 Crystal Talk 技術去保持話音質素。
分享到 :
最新影片
