今日一開舖已經好多人問 Sony 部新野 NEX 有無得賣 or 訂，睇黎佢的吸引力不下於 iPad 。睇完貴站篇文，我串哥有少少野想講，但首先我要講下 Sony NEX 個定位先!
係一個消費者金字塔入面，最頂層就係專業人士，人數較小但比較願意花很錢去買；最底層就係一般消費者，人數最多而且潛力大，不過佢地未必會花費太多去買野。產品要針對邊一層最好呢？咁就要由無數咁多的巿場報告做評估。Sony NEX 3/5 的推出，就選擇了針對最底層顧客
呢個世界唔識影相的人遠比識影相的人多，NEX好大膽將傻瓜 DC 機去結合一般人認為的專業攝影功能 － 換鏡頭，呢兩個因素加埋產成左好微妙的化學作用。首先唔識影相的人，唔需要再受DC 夜晚影相好多noise的問題，NEX乜都有說明，自動功能又多，呢班用家唔需要有任何攝影基礎就影到相，仲要同大機質素一樣，試問點會唔歡喜呢?仲有可以學專業影友咁，得閒又換下魚眼鏡玩下效果，得閒又換下餅鏡試下定焦，換鏡唔再係識影相的人專利了，NEX 就 FIT 晒呢班要多野玩、又要有高質素的攝影新手需要，仲送埋 7ftp 連拍 加埋 1080i 拍片，只係比多少少錢 (相對 LX3/S90)，佢地一定好樂意乖乖付錢。所以話 NEX 個定位好殺食，我串哥相信 SONY 絕對有能力出一台機同 GF1 / EP2 / NX10 來個正面交峰，但佢地無咁做，反為避開唔同你爭餅食，去食一個更大潛力更高的巿場，等到食晒下面果層人賺晒錢後，再同你地鬥都未遲！串哥期待 NEX 7/9 的到來!
Ok,再講番貴站篇文，其實做傳媒呢，我覺得佢地有好多角度去寫一樣野，今次我就好欣賞由呢個角度去寫 NEX，作為一個讀者都係想多d角度去認知一件產品，好似我串哥半桶水影相友，睇完都要諗一諗，咁樣control法到底自己會唔會適應唔到呢?可能有人會話，呢個價錢，ISO仲咁滑，你想點呀?串哥又覺得唔係平就話要買，要o岩自己用先得，唔通科學毛筆大特價，書法大師就要走去買番支咩，始終相機係一件工具，夾自己手型先係最重要。
【現場評測】Sony FE 24-50mm F2.8 G 現埸實試 新焦段+輕巧+畫質媲美第一代 G Master 外媒證實 PS5 Pro 傳聞 預料或在今年年底推出 俄羅斯普京促自主研發遊戲機 要能夠與 PS5、Xbox Series X|S 抗衡