N1 + 2.2 果然快左好多!串哥升完之後成部機爽晒，好慶幸自己果部係 N1 而唔係 HTC / SE ，如果係真係唔知等到何年何月先有得玩。除左快之外仲可以行 Flash！咦? 行 Flash 都好順啦，Apple 咪話手機行 Flash 太慢?好似唔係喎!不過行到還行到，真係好食電
行Flash好食電
升左 2.2 之後，我部機今日用左三個鐘就無電，我去各大討論區睇過原來好多人都有相同的問題，update 完一刻係好 high,用耐左先知自己原來都唔係咁值得興奮。我已經唔係成日玩FB Game，不過可能睇網頁時可能load多左廣告之類的野莫明其妙地快無電。暫時唔係係咪串哥唔識用定點，但係如為因為行到flash而做到部機的電力表現咁唔平衡，我情唔願唔要。作為一個好的手機，使用時間／效能／功能必需要有一個好好的平衡點，你不能因為要為左耐用，而攪到部機鬼咁慢，亦不能狂加入功能攪到好似部 notebook咁乜都做到，但係就慢到七彩又成日hang。其實而家 d 電話黎講，個人覺得 Apple iPhone 3Gs 個平衡點做得比較好，最起碼你密密用都用到大半日又唔覺得慢先。
.
最佳平衡點
所以有時你又唔怪得 Apple 出野慢，例如 4.0 先有個叫 Mutil Task ，但果種 MutilTask 係經過特別設計為 手機優化，行得黎又唔會特別食電、更加唔會攪到部機又慢又無晒ram，今次 2.2 行 flash 對 N1 用家黎講真係有少少白老鼠 feel，google 好似唔太關注呢個食電問題，咁又係 N1 可以換電嘛!要玩 Flash咪買多幾舊電囉
SMV IOM 用家有問題
以下幾個串哥常用的軟件都有d問題用唔番：Handcent SMS、九方、Jorte、Dolphin Browser、Dolphin Browser HD，睇黎又要等 Update 喇，仲有 SMV 的用家，如果你用的係 IOM，SMV 會自己將 Flash 電影轉成電話可讀的格式，不過 2.2 之後，呢個動作反為多此一舉，HD Wide 功能攪到 N1 2.2 用家去唔番正常版的 Youtube..
私生子先分享
串哥今次對 2.2 的升級有讚有彈，Google 果然好比心機無令人失望，唔係出完機出完個 OS 就拍拍 pat pat 走人，不過對電池的表現就有d 失望。同埋 update 之後，其他廠的手機又要進行測試，而家仲有人苦等 2.1 呢！所以 froyo 2.2 暫時只有 n1 用家用到，其他人都只能望門輕嘆，咁其實對於呢個各家自掃門前雪的問題，對客黎講影響大唔大?莫非資訊達人就只有 Google 手機可以選? 比多d 時間用家，巿場好快就會有答案，情況就好似當 Mac 同 IBM 相容 PC 之爭一樣。
Android 跨裝置接力功能 激似 Apple「接手」功能 京東健康推出「手機測血壓」技術 無需額外設備 AI 精準測量血壓 5 款幫小朋友學寫好中文字 App 免費使用 + 家長推薦 + 初小筆順學得快