串哥好耐無同各位見面了！臨近聖誕爆個堅料比大家聽。近兩日串哥去跟國內一個頗為出名的 Apple 配件品牌的「大粒佬」食飯，閒談中透露了幾個駭人的消息，首先他透露了 iPad 2 會有鏡頭及比第一代更薄，串哥即時插咀「前一排好多國內 Case 流出都知道啦」，友人即時說：「但無人講過部機薄左喎！」串哥諗諗下又係播! 但講時講，關於早前陶寶上的 iPad 2 Case 串哥好奇點解連國內二三線廠都會得到 iPad 2的尺寸資料呢? 原來…….
我老死就開始吐苦水，蘋果每次推出新品前都會主動給予製造尺寸給美國一些大配件商，然後這些大廠就會要求製造工場將資料保密。某些人就會從這途徑非法取得資料去造一個 Dummy 版本，以「十萬」為單位的售價賣給一些國內其他生產商，見你大間有錢就殺你幾十萬，細的就十幾二十萬，每次早在新產品推出前三個月就會開始有一類「黑暗」商家銷售 Dummy 機。
串哥好奇問：你如何得知那些 dummy 是真?萬一亂來的你們不見幾十萬之餘成批貨唔賣得囉。佢就答：「其實都係駁一舖，不過呢個買家之前 iPad 1 都推銷過 Dummy 給我們，當時我們覺得太貴以及估計唔到 iPad 有咁好因而賣錯失良機」串哥此時終於解開心底之迷，同時祝這個朋友甲好運。
*** 想更緊貼更多Apple 小道消息的話，請到 <facebook.unwire.hk >的專頁內頭頂按「讚好」加入我們，每天就會收到最新的免費資訊了，一定不會錯過 **