近兩個月走到街上，會見到 Galaxy Nexus 用戶大增，唔係 Google Fans 多左要買親生仔。而係日本水貨版大行其道，仲要只賣 3 千幾，相當吸引。香港行貨可能見狀決定迎戰，呢幾日悄悄落價，保留多買一粒 NFC 電池優惠，但就以 7 折發售，只賣 $3,698。有朋友試過落下咀頭，$3,500 就可以成交。新機幾個月就跌價 3 成真係相當少見，港行打壓水貨決心真係好強。
另一方面，日版水貨亦開始出現所謂團購，其實是減價促銷，落至 $2,999 就有交易。D 先達鋪由日本運返來都要錢呀，真係唔知佢地賺乜。話雖日版水貨價格愈來愈吸引，但就有一定風險，例如保養問題同埋要 unlock，冇特價買多粒NFC 電。而且，有行家話就算解左鎖有出現用唔到 900mHz 頻譜情況。所以爭幾百的話，不如買行貨啦。
分享到 :
最新影片
