最近新產品真係多到無朋友，當然為咗大家，小編自然係日做夜做無停手，務求將最貼近真實使用體驗嘅感受同大家分享，等大家唔洗哂咗冤枉錢買咗件唔啱自己用嘅產品番屋企先嚟喊到一句句啦！話說，最近試咗兩部主打輕薄嘅手提電腦，對於究竟應該點揀又有啲心得，想同大家分享一下。
輕薄進入新境界
事實上，好多人都覺得手提電腦喺今時今日智能手機同埋平板電腦效能愈來愈高嘅情況下，重要性比以前細咗好多，始終如果只係要做普通嘅工作，好似：check email、做文書處理、或者好似我地呢班小記者咁，要隨時隨地係外面做嘢，只要有部有全高清解像度嘅平板電腦（智能手機就算幾高清，個芒都係太細掛……），配合對應嘅 APPS，就可以做到嘢，唔洗再帶部最少都超過 1kg 嘅電腦係身，真係方便好多。不過呢排 SONY 推出咗部 VAIO Pro，11 吋個部完全突破哂以前嘅體驗：高規格（相對其他輕薄型電腦或者平板電腦）之餘，重量又只係 800 幾克，拿出街做嘢真係進入「無重」狀態，對於我哋呢班流動工作型嘅人嚟講，真係神賜嘅恩物！
使用時間最重要！
當然，一部機要帶出去做嘢，雖然唔一定要威，但對於小編嚟講，都唔可以太樣衰掛！事實上，無論係 SONY VAIO Pro 定係 Apple MacBook Air，個樣都係唔錯，而且都用咗金屬機殼，耐用程度不在話下之餘，摸上手嘅手感或者對眼睇落，都真係幾型。不過大家始終要注意：流動型產品始終係專為成日要出去做嘢嘅人而設，如果帶出街用，都仲要帶住個差電火牛係身，都真係幾麻煩，而且只要唔夠電，又搵唔到插頭幫部 notebook 差電（就算去 cafe 都唔一定俾人坐到側邊有電插座或者拖板嘅位掛！），都咪話唔「哩 HEA」。所以呢，就算部機勁型、幾薄、幾輕、效能又幾高，使用時間如果唔夠長，令大家都仲係要心掛掛帶住火牛出街，都係無用。
至於大家話要幾耐先叫做夠？呢個就好睇唔同人嘅需要，對於小編嚟講，最少都要差足電之後用到 6 個鐘以上掛，係咪？
使用體驗緊要過效能
其實今時今日嘅輕薄型手提電腦，就算只係用 Atom CPU，只要大家唔係拿部機來剪片或者打機，一般都夠應付絕大部分嘅需要架啦！所以小編愚見，與其追求效能，不過重視使用時間，同埋使用體驗！當然，使用體驗可以包括好多嘢，例如：長時間用 keyboard 打字或者用 TouchPad 操控舒唔舒服、個 OS 用落方唔方便（就好似如果個輸入法唔好用，對於成日要打字嘅小編嚟講，都係惡夢！）、同埋支援軟件夠唔夠多（新定舊都好，支援多就喺皇道！）等等，而且使用體驗都係因人而異，但對於小編個人感受嚟講，今時今日而言，Apple 嘅 Mac OS 用起上來始終係比 Windows 8 好得多，不過使用時間嚟講，暫時都仲係無一部機可以滿足到小編嘅需要。唔知大家又點睇今日嘅手提電腦產品？歡迎留言同小編一齊討論下呀。
【評測】Mac mini M4 2024：進階用家最應該買的 Apple 電腦 效能、日常應用詳細評測分析 【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書
