小妹介紹完好貴的自拍神器後，立即想為大家介紹個免費神 App，它可執到大家好似整了容一樣。不過如果執得太過份會好明顯的，所以大家要執到女神一樣又不要被發現就要認真試下啦！
「百度魔拍」”Wonder Camera” 對自拍迷來說可算是神 App，先介紹它的眨眼自拍功能，大家自拍有時要用另一隻手按快門按鈕十分麻煩。而它可探測到你眨眼，你只要慢慢「電」鏡頭一下，它就會倒數 3 聲幫你拍照啦！如探測不到你都可用按一下屏幕的方式拍照。
拍完照後，大家可試玩一下它的 4 個惡搞效果，都幾有趣的，如大家只想整靚樣的話就不要試啦！
不喜歡惡搞自己的話可試下 5 個自動執相的程度，他們會自動幫你整大眼、尖面、美白、除印等，有些照片按 5 的效果會 over 左，1 的效果會比較自然，之後大家可按右下角的粉紅色位置加濾鏡，如大家覺得這 5 個程度未夠玩不要緊！按 “Edit” 啦！
先介紹最左下角的 Edit，大家可 Crop 及轉動照片，完成後按最好玩的 beauty，可自己逐 part 執，先執 Skin，調到幾白都得，不過會失實和看不清；用 Intelli beauty 可把面修細和加大雙眼，先把標示對準雙眼和嘴巴，就可開始調校 Thinify 和 Enlarge Eyes，簡單易用，而不貪心的話效果都幾自然。
想收細比較闊的面頰？可用 Thinify 自己拉，選擇收細範圍的大小，用手指在照片上想收細的位置拉一下，面立即瘦了，不過要小心啊！好容易拉到大細面架！之後大家可再加大雙眼，用兩隻手指放大照片，選擇適合的瞳孔大小，按到瞳孔位置就可以再加大眼睛啦！
最後就要除痘痘啦！Blemish Fix 同樣是先按修正範圍的大小，之後用兩隻手指放大照片重點去斑，用一隻手指在斑上點一下就得，超易就可以打造出完美的皮膚，滑到嚇到自己。執完自己個樣就可以選擇濾鏡，完成後就可以儲存為珍藏啦！當然你都可以 share 出去啦！
其實好多人都知道自拍照不可當真，所以拍來爽下都可以，但想騙人就不容易啦！另外大家都不要太重手，否則好容易變 ET 架！總括而言效果都幾靚亦算自然，不打算買自拍神器又愛自拍的朋友可以下載來止渴啦！
下載：