係資訊發達，人人都可以隨時隨地上網嘅世代，要搵資料其實唔難。以前要買手機，身邊朋友總係會問小編「買咩機好？XX 牌手機安唔安全架？XX 牌手機會唔會成日壞架？」。不過今時今日，上網咁容易，要搵一啲用家感想、甚至係 fact 嘅資料真係毫不困難，甚至人人都可以喺「XX 達人」！早幾日，正係小編前往活動的路上，就遇上咗一位。
Gadget 有助打開話題
話說個日搬嘢去會場，就搵咗朋友嘅相熟朋友幫手，第一次見面，由觀塘到銅鑼灣的車程，說長不長，說短不短，但一直沉寂下去，又找不到話題，基本上整個車箱是一片死寂。不過當小編拿出隨身的 HTC Butterfly S 玩咗一陣，佢就主動問小編：「好唔好用？」就喺咁，兩個唔相識嘅人，就打開咗話題。確實，新 gadget 產品真係可以令兩個唔識唔熟嘅人打開話題之門。
個個都可以係達人
係傾談之中，小編發覺呢位朋友嘅朋友，佢熟悉 gadget 程度、甚至換手機嘅頻密程度，與小編實在係不相伯仲，雖然未至於熟過唔同品牌嘅產品專家，但係已經去到「達人」水平。而且令小編意外嘅係，佢絕對唔係一個「人云亦云」嘅人，唔單止知道自己想要咩，而且對於唔同品牌手機嘅特性更加係瞭如似掌，有啲甚至係小編平時都留意唔到嘅位。經過呢次大約 15 分鐘嘅談話，令小編感受「達人無處不在」嘅感覺。
個人分享是重點
既然周街都可以搵到一個「隱世」達人，咁好似小編呢種傳媒工作者係呢個「人人皆可是達人」嘅世代仲有咩價值？我覺得如果單純停留係機介紹、效能評測等，做得比我 pro 嘅人大有人在，所以測試文價值更在於個人分享：分享小編對某某產品用起來嘅個人感受，同埋用起來有咩優點缺點，做到好似當讀者係朋友，好似講故仔咁將產品嘅特性講出來，先至係測試文嘅未來方向。大家又同唔同意呢？歡迎同小編一齊討論下呀！