想換 Notebook 除了等待電腦節，各大院校每年一度的 Back To School 師生優惠也是熱門選擇，想知邊間院校的優惠最多最齊、甚麼型號較抵買？等小編同你逐一分析喇！
香港大學
今年「港大」Back To School 優惠囊括 Apple、Fujitsu 及 Samsung 三個品牌， 產品選擇由 Notebook 到平板電腦都有，Apple 約有 13% 折扣、Fujitsu 及 Samsung 卻有 25% 左右。至於最平入門機，Apple 代表為 MacBook Air 11 吋只需 $6708、Samsung 為 ATIV Book 2 售 $3999，而 Fujitsu LH532S1 僅售 $3398 是最平選擇。
按此可看到優惠內容
香港中文大學
「中大」今年只有 ACER 單一品牌選擇，但產品類別就較闊，包括 Notebook、平板電腦至智能手機都有，而平均折扣更高達 30% 以上，其中入門的 Aspire E1-432 只售 $2999 是各院校最平，其次輕薄型的 Aspire S3-371 售 $3999 都會是不錯的選擇。
按此可看到優惠內容
香港科技大學
「科大」選擇有 ACER 及 Lenovo 兩個品牌，前者選擇及折扣同「中大」接近，但「科大」提供較詳細的報價表。至於 Lenovo 產品有 Notebook 及平板電腦選擇，平均折扣有 30%-40%，但唔少原價比市價高出很多，而當中最平的是 Ideapad S210 Touch 僅售 $3700，規格更是 11.6 吋非常輕薄。Thinkpad 方面搭載最新的第 4 代 Core 處理器已經有售，最平的 Thinkpad X240 只須 $6199 起，價錢都算幾吸引。
按此可看到優惠內容
香港城市大學
睇了幾間院校終於有 HP 份，「城大」今年有 Lenovo 及 HP 選擇，前者同「科大」優惠幾乎一樣。至於 HP Notebook 及平板電腦都有唔少選擇，折扣平均有 30% 或以上，但型號集中 13.3 吋以上，其中最平 HP 1000 售價為 $3180，其次平得來輕便的 ProBook 4430 都要 $4990，而唯一的 11.6 吋產品 Elitebook Revolve 810 售 $8980，相比其他品牌同尺寸機種貴得多。
按此可看到優惠內容
香港理工大學
今年「理工」分別有 Apple、ACER 及 Lenovo 三個品牌，選擇相對其他院校全面 (有平有貴)，而經過小編比較過其他院校相同品牌的優惠後發現 ACER 及 Lenovo 價錢較平的型號選較少，例如最平 Acer 只有 Aspire E1-472 要 $3299， 但貴價如 ThinkPad 系列及 Apple 的 Macbook 等幾乎相同。
按此可看到優惠內容
香港浸會大學
「浸大」今年有 Fujitsu 及 Lenovo 可選擇，它們的優惠與「港大」及「科大」相同，故此比較抵玩仍是 Fujitsu LH532S1 及 Lenovo S210 Touch 等平價型號 ，其次還有貴價的 Thinkpad x240 等都是唔錯選擇。
按此可看到優惠內容
香港公開大學
「公開大學」今年提供 Lenovo 優惠，但小編撰寫時卻無法登入有關優惠網頁，故此無法分析。不過根據先前有 Lenovo 優惠的院校為例，估計價錢及折扣應該相差不遠。
按此可看到優惠內容
