今日係公眾假期，但旺角的人比平時還多，點解？因為大家都爭住去先達放 iPhone 5s 及 5c，如果你都想知場內回收價最新消息，小編的場內速報就記得要留意。
今日是 iPhone 5s 及 5c 首個發售日，放機熱點「先達」整日都逼滿放機的人，而炒風主要囊括 iPhone 5s 各款大小、顏色型號，相反 5c 好多舖頭都唔多願收。價錢方面，最多人放的 16GB 及 32GB 回收價為 $6700/$7400 (灰/白) 及 $6900 / $7800 (灰/白)，而 64GB 則為 $7300 及 $8200，各大少舖頭大約有 $200-$300 差價。
至於最觸目的香檳金，最細 16GB 都叫價近萬元有 $9600，而 32GB 及 64GB 都分別收 $11000 及 $12000，但場內都聲稱相關款式極罕有。此外，由於首日放機大部分以 16GB 灰機為主，直至離開前小編已經聽到有舖頭唔收相關型號，由此可見 16GB 灰機落價速度會較白色快。
