買得 iPhone 好多人都會考慮 iPhone 5s，但大家唔好忘記新機還有 iPhone 5c，如果你對色彩繽紛的 5c 都有興趣，小編都集合了 4 間電訊商月費計劃，同你分析邊個台出最抵！
一樣無「無限 Plan」！
基本上 iPhone 5c 月費計畫跟 iPhone 5s 大同小異，分別只有上台機價及回贈金額，所以大家唔好以為出 iPhone 5c 會平很多。其次 iPhone 5c 計劃中都是取消了「無限 Plan」數據服務，跟 iPhone 5s 一樣最大只有 5GB 流量，用過指定流量就須額外收費。
▲ 跟 iPhone 5s 一樣電訊商都無提供「無限 Plan」。
上台出機邊間最平？
想知 iPhone 5c 邊個台出機最平，唔好以為上台機價最平就得，全因各電訊商的上台機價差距頗大，而且以 3 香港為例上台出 16GB 會有 $780 額外回贈，換言之同單張列出的價錢不同，某程度 iPhone 5c 計劃較 5s 「刁鑽」。
小編綜合上台機價、額外費用連同 24 個月合約計算，最平出 iPhone 5c 16GB 是 one2free 的 $187 計劃，它並非最平上台機價或最平月費，但合約期總金額只是 $7707 (每月 $321.1)，價錢比扣除額外回贈的 3 香港還要平數十元。至於 32GB 沒有特別隱藏條款下，最平都是 one2free $187 計劃，合約期總金額 $8484 (每月 $353.5)
▲ one2free 的計劃表面數據唔算吸引，但計出來往往都是較便宜。
5GB 計劃邊個最平？
出得 iPhone 相信都唔會唔上網，而 5GB 計劃中 16GB 會以 3 香港最便宜，合約期總金額 $11124 (每月 $463.5) 價錢比隨後的 SmarTone 還要差 $780，而重點正是 3 香港的額外回贈。而 32GB 由於沒有額外回增，3 香港及 SmarTone 均錄得 $11124 (每月 $463.5) 合約期總金額，價錢比其餘兩間電訊商差數十到數百元不等。
▲有 $780 額外回贈令 3 香港出 iPhone 5c 16GB 成為最平選擇。
iPhone 5c 值得「劏機」嗎？
歷代 iPhone 包括 iPhone 5s 都會有人「劏機」，唯獨 iPhone 5c 小編就唔多建議，全因先達很多舖頭唔願回收 iPhone 5c，即時收價錢亦可能低於官方售價，變相「劏機」後月費隨時貴過 iPhone 5s，變相做了蝕本生意。
如果網友想知各電訊商詳細月費計劃、合約期總金額可按此
