Hej！聖誕節剛剛過去，昨日有冇請假，為自己製造一個長假期呢？聖誕期間收到不少 WhatsApp 的祝福，朋友不約而同地問起北歐的聖誕氣氛，如果你腦海閃起滿街白雪、砌雪人、滿街都是遊人、掛滿聖誕燈飾，很大可能會失望。
筆者所處的哥德堡是瑞典第二大城，聖誕氣氛在聖誕節正日，甚至在 23 日已經差不多消失，因為很多人趁著上星期五放工後，已經舉家駕車回祖家跟家人過節。聖誕節是一家人共享天倫，而不是 Party 劈酒的日子，筆者聖誕節當晚外出，發現不少酒吧夜店食店都已經休息，整條街都變得冷清清。
讓我想起小時候的農曆新年，那些年還沒有自由行，年初一、二店舖休息，飲茶要加三的日子。瑞典的聖誕氣氛 11 月中就開始，餐廳 11 月中就開始提供 Julbord 聖誕大餐；售賣裝飾、食品的聖誕市集 Julmarknad 亦會陸續開始營業。感覺就好似農曆新年前，一定要到年宵市場或花市逛逛一樣，當然少不免聖誕 Shopping。為小朋友、家人準備禮物既花錢，亦花心思；店舖的新貨、新衫都在 11 月尾出籠，為了賺聖誕 Shopping 客的錢。所以如果你想到北歐感受聖誕氣氛，最好的出發時間就是 12 月初，然後 20 日之前回港，聖誕期間香港相信更多嘢玩，更好玩。
今年聖誕前，瑞典都市日報刊登了一幅漫畫，諷刺過節時大家都只掛住玩手機，亦反映了現在唔少人手機成癮的現象。尚有數日就到 2014，祝大家有一個豐盛的 2014，身體健康！Gott nytt år！新年快樂！
Hej då！下週再談！