iPhone 6 推出讓港人瘋狂，除了預訂及 iReserve 能買到機外，還有人嘗試在 APR 店外今晚通宵排隊等候。我們 unwire 訪問了觀塘一間 APR 店員及門外排隊的人士
店外已經有大約 20 個人集結，我們訪問了一位在外面排隊的黎女士，她指近幾年都在 iPhone / iPad 開賣時通宵在這裡排隊，雖然每次都沒有消息指一定有得賣，次次都只是「博一舖」，今次亦不例外！
被問到她今次會選擇買 iPhone 6 還是 6 Plus ，她回答說：
「乜都買啦，有乜買乜」
顏色呢，有邊隻色你比較喜歡？
「乜都買呀，有乜買乜，唔理佢乜野色」
咁如果無晒 iPhone 6 同 6 Plus，得番 iPhone 5s 你會唔會買 ?
「有乜買乜啦！總之就係買到就買啦 」
買幾多呀?
「買到幾多就幾多啦」
unwire 同事看到店門貼著一張「本公司不會派籌，不設排隊等候。新產品資訊請與店員接洽。」因此同事到店內找店員理解，問有甚麼新產品，現在排隊是否代表明天有 iPhone 6 賣等問題時，店員只回答一句：「公司無消息」。原來叫人接洽，就是給你知道公司無消息，真感謝！
