買手機考慮得 2K 屏幕無非都想畫面色準細緻，今年有多款類似手機推出，但究竟邊個 2K 屏幕最好？我們 Unwire.hk 讀者 LEO 就自攜多款 2K 手機跟剛發售的 Galaxy Note 4 一起鬥下屏幕畫質，想知結果就等 Leo 話俾大家聽喇！（以下有更多資料。）
Leo 這次測試的手機，包括有 LG G3、Samsung Galaxy Note 4、Vivo Xplay 及 Oppo Find 7，同場還有 iPhone 6 Plus 作比較。驟眼睇大家都是 2K 屏幕，論細緻其實很接近，即使 Note 4 及 Xplay 尺寸較大，肉眼亦難以辨識細緻度，但如果要計埋介面文字銳利度，那 Samsung 及 LG 就稍佔優。
▲ 除了 iPhone 6 Plus 大家都是 2K 屏幕，細緻度肉眼睇差唔多，但睇清楚亮度都有明顯差別。（左邊數起 iPhone 6 Plus、Galaxy Note 4、G3、Xplay 及 Find 7）
顏色以外，大家評審屏幕還會留意可視角度，但這個回合就勝負很明顯，因為側面睇只有 Note 4 能能保持亮度，相反其他手機就明顯轉暗。
▲ 除了 Note 4 其他 2K 屏幕手機打側睇亮度都嚴重大跌。（左邊數起 iPhone 6 Plus、Galaxy Note 4、G3、Xplay 及 Find 7）
顏色方面，四款 2K 屏幕手機都有各自取向，較早推出的 Xplay 及 Find 7 一部偏黃一部偏藍，而後期推出的 LG G3 及 Note 4 顏色較正常，白色睇落自然。至於睇片， G3 與 Note 4 之爭已是意料中事，預期講邊部好，倒不如各有各好。先說 G3，顏色比較自然，較接近現實，但缺點是畫面有層灰霞；而 Note 4，雖然鮮艷得有點誇張，但感覺跟睇電視差唔多，暗位表現佳，拍起來就明顯更吸引目光。
我自己都擁有 Xplay 及 LG G3 兩部「2K 芒」手機，但如果「齋計」屏幕暫時 Note 4 真係最靚，雖然顏色濃烈，但感覺不致偏色，而最重要是亮度及可視角度都比其他手機優勝，加埋 AMOLED 特性暗位夠黑， 要來睇片當然冇得輸。
