現時很多裝置都用 USB 充電，又手機、又平板又外置充電，那一家人就隨時用上 10 個 8 個 USB 火牛，雖然坊間都有 10 個 USB 接頭的拖板，但未必全部接頭都係2.1A 輸出，結果大家都係要爭來爭去。不過，之前 ORICO 推出一款 DUB-10P 具 10 個 2.1A 輸出的 USB 拖板，唔知實試效果係點呢？（以下有更多資料。）
是咁的，前幾日 Edward 借了 Nexus 9 返來試玩，正當想跟一眾新舊 iPad 比較之制，竟然大部分都只剩極少電量（有人冇充電！），幸好女同事近日借來 ORICO DUB-10P 一款 10 頭的 USB 拖板，雖然佢個樣「輕飄飄」感覺唔多可信，其實佢跟個火牛比拖板還大，而且很「墜手」，睇返規格原來有 12V 8A 輸出，難怪拖板 10 個 5V / 2.1A 都推得郁，而且它用了外置火牛設計，好處是可以拉線拉得更遠，最重要係唔洗係小編 張檯疊滿 iPad！
▲ 10 個頭全數支持 2.4A 獨立輸出。(售價 : $420)
▲ 火牛比 USB 拖板本身還要大。
▲ 小編 在其他同事檯上佈陣充多台 iPad 。
坊間好多 USB 拖板都話「足數」，但實際足唔足真係要度過先知，所以小編 就趁此機會拿 DUB-10P 去充幾部 iPad 及手機，並用「USB 電力監測器」檢查電力數值，而結果是無論單台 iPad 或多台裝置充電，輸出都能維持 5V 2.1A 左右，期間並冇出現愈多機電壓愈跌的情況。至於充電期間，拖板火牛亦只是微暖，底部錄得約 40 度左右。
▲ 充單台 iPad 時輸出為 2.13A。
▲ 駁了多台 iPad、手機及外置電池後，輸出依舊為 2.13A 不變。
▲ 充電約半小時後，火牛溫度微暖，底部錄得約 41.3 度左右。
ORICO 除了 DUB-10P 這款 10 頭的 USB 拖板，其實佢仲有出好多其他產品，例如 M3H7 及 AS7C2 兩款 7 Port USB 3.0 Hub，前者用了金屬斜底座式設計，方便裝拆又有獨立火牛供電；後者外形比較普通，但多了 BC 1.2 技術可用於手機或平板充電，輸出更有 1.5A 之多。最後駕車人士，ORICO 都有款 MPU-4S 的 USB 火牛，賣點是提供 4 頭 5V / 2.1A 輸出。
▲ M3H7 是一款金屬斜底座 USB Hub，擁有獨立供電設計，無論實用及外表都襯晒 MacBook 。(售價 : $280)
▲ AS7C2 同屬金屬 7 port USB Hub，賣點是配備 2 個 BC 1.2 接頭，提供 1.5A 輸出可為手機充電。($320)
▲ MPU-4S 是一款 USB 車充火牛，賣點是提供 4 組 USB 輸出。(售價 :$168)
▲ YC-PE0508000H 是一款 5 頭 USB 旅行火牛，可提供 3 組 1A 輸出及 2 組 Super Charge (2.1A) 輸出。(售價 : $168)
查詢 : Top Winner (3622 3863)
