年初 Desire 816 好多人都俾佢設計及價錢吸引到，來到年尾 HTC 發佈升級版 Desire 820 Dual Sim，除了規格再升級，相機拍攝功能亦因之前推出 Eye Experenice 有所增強，但價錢就跟之前一樣咁抵玩。（以下有更多資料。）
Desire 820 Dual Sim（下稱 Desire 820）某程度是 Desire 816 改良版，但兩者分別除了規格，小編 反而覺得相機先係最大改動，雖然主鏡頭維持 1,300 萬像素，但前鏡頭就由 500 萬升級至 800 萬像素，自拍照比之前更清晰銳利，而且多了新 Eye Experience 介面，跟之前 Desire Eye 一樣可擁有 Auto Selfie、分鏡拍攝、即時美顏、人面融合及貼紙相機等功能，雖然部分功能有些少差別，但功能上已比之前多野玩好多。
▲ 加入 Eye Experience 介面提供更多拍攝模式，但由於小編 試的仍屬工程機，故此部分功能會賣街才添上。
▲ 前鏡頭已升級到 800 萬像素，拍攝效果已跟主鏡頭差不多，頭髮細節都很銳利。
▲ 主鏡頭維持 1,300 萬像素，拍攝對焦反應相當唔錯，相片品質就不過不失。
這次 Desire 820 焦點不少落在處理器身上，因為它用了 Qualcomm 最新 Snapdraon 610 賣點一是「八核」，其次佢亦係首顆 64-bit 架構，即日後可配合 Android 5.0 系統使用。雖然八核感覺好似勁一倍，但實際在 Antutu 測試僅錄得約 28,000 分，成績比 Snapdragon 400 優勝，但跟 Snapdragon 800 就差一大段距離，因此大家唔好對「八核」性能有過份期望。不過，Desire 820 這次會升級 2GB RAM 及 16GB 儲存空間，規格相對 Desire 816 更充足，這點真是抵讚。
外觀方面，Desire 820 用了 Desire Eye 「撞色」設計，底面黑白色再撞面框紅藍色，驟眼睇比之前搶眼，但比 Desire 816 感覺似玩具多一點。手感方面，感覺同 Desire 816 差唔多，單手順利操作，重量亦唔見有明顯差別。其他設計包括 BoomSound 及 5.5 吋 720p 都維持不變，故此新鮮感冇之前咁強烈。
▲ 機背依舊為純色設計，但鏡頭及 LED 補光燈就有鮮色圈襯托住。
▲ 機面依舊有 Boom Sound 喇叭，設計跟 Desire 816 相同。不過，機面用鮮色面框雖搶眼，但感覺就較「玩具」。
香港發售的 Desire 820 屬 Dual SIM 版本，但跟 Desire 816 不同是一開始就是 4G LTE 版本，而且還一口氣支持 FDD 及 TD LTE 制式，穿越中港兩地都不成問題。而為免大家「過關」要換卡咁麻煩，HTC 特別加入 Dymanic Switch 設計，只要透過軟件就可隨意更換主卡。
▲ 跟 Desire 816 採用 2 張 Nano SIM 卡及MicroSD 擴充設計。
▲ 機內雙卡選項唔多，主要提供偏好數據網絡。
Desire 820 Dual Sim 作為 Desire 816 後繼機，規格固然比上代優勝齊全，但小編 更欣賞係相機及網絡功能都「一步到位」，不像去年出完 3G 再出 4G，減少大家洗了冤枉錢，而這次 Desire 820 只售 $2,998，這個價錢還包括 HTC Care 服務（即 15 個月中港保養），所以真係幾「抵玩」！
售價：$2,998
查詢：HTC（3077 5588）
