Acer 在香港人心目中可能是 Notebook 及電腦產品比較熟悉，但其實在手機界主攻「抵玩」市的型號有著不少 Fans ，適逢近期平價手機都有 4G LTE，因此佢地就發佈全新 Liquid X1，價錢僅 $2,598 有 5.7 吋大屏幕、八核處理器及 4G LTE 網絡，唔知用落效果會係點呢？（以下有更多資料。）
Liquid X1 定位跟之前 Desire 820 定位很接近，兩者都是中價大屏 4G 手機，但 Liquid X1 屏幕就大一點為 5.7 吋，而且搭載了 MediaTek MT6592「八核」處理器及 2GB RAM 等配置，雖然 MediaTek 向來感覺較弱又不支持 64-bit，但於 Antutu 仍錄得 29000 分，成績跟 Qualcomm Snapdragon 615 差唔多。不過 4G LTE 方面，Liquid X1 只支持單卡 FDD LTE 制式，這點就明顯輸蝕給 Desire 820 了。
▲ 機背可拆蓋，裡面可放入 2,700mAh 電池、MicroSD 及 1 張 Micro SIM 卡。
Liquid X1 配備 5.7 吋 720p IPS 屏幕，但第一眼睇就完全唔覺「雞肋」，因為熒幕顏色頗鮮艷，當中同 Zero Air Gap 減少熒幕「起霧」有重大關係，唔講差點以為 1080p 來。屏幕靚睇戲固然好，而 Liquid X1 亦用了前置喇叭設計,睇片會有立體聲及 Dolby DTS 優化，可惜喇叭非常細聲，小編 現場試 Youtube 幾乎連背景聲都聽唔到。
▲ 畫面顏色很鮮艷很光，有 Zero Air Gap 內部反光減少。
▲ 前置喇叭具立體聲，但音量太細令實際作用不大。
▲ 5.7 吋屏幕機身拿起感覺比較大部，小編 勉強單手用到，但一般人就應該比較困難。機背有背鍵設計，功能跟之一樣係啟動「音樂」及相機，但講到比較特別是機背用了好像 S5 的「點點」皮革設計，但可能機身較「方」關係，手感反而比較好。
賣「抵玩」的手機通常都係得配置吸引，但 Liquid X1 除了預載 Android 4.4，機內還有很多預載實用軟件。除了之前見慣的 AbDocs 等雲端應用，機內還有針對單手操作的 Fit Zoom 及在電腦操控手機的 AcerEXTEND 等等，而為照顧閱讀電子書用家，機內還設「閱讀模式」能把屏幕調至偏黃，減少閱讀時刺眼感覺。
▲ 機內提供大量 Acer 預載 Apps，但大部分都是傾向實用為主。
▲ 機內除了 AbDocs 等雲端應用，機內還設 Zoom Fit 及 AcerExtend 針對單手操作及電腦遙控手機等用途。
▲ 配備 1,300 萬像素主鏡頭，對焦反應一般，但相片雜訊比較明顯。
Liquid X1 外觀普通，但性能及功能都算很齊全，價錢比 Desire 820 平少少只售 $2,598，但美中不足是沒有雙卡或 TD-LTE 制式支援，變相考慮條件會輸蝕一點。
