今日 Sony 正式發表 A7 II 全片幅無反機身，雖然好多人認為它是取代現有的 A7，但實際它將會加入目前的 A7 陣營，究竟佢同 A7 用起來有咩明顯分別，想知就等小編 同大家試玩一下。（以下更多資料。）
考慮得 Sony A7 或多或少都因係夠細部，但想唔到這次 A77 II 竟然會大部咗，雖然好似背道而馳，但只要拎過上手就會知其實大得有道理。首先，拎起部機就會察覺手感跟 A7 好唔同，因為手柄比之前舒服好多，而更重要是快門按鈕跟 A6000 一樣移去前方，按快門就不同曲曲手指，對於好似小編 手大的用家來說絕對係較「順手」，但代價係機身較之前稍重。
▲ 雖然 A7 II 機身比 A7（右）大部，但小編 拎起就覺得手柄更舒適，而且快門按鈕亦較之前「順手」。
▲ 機身操作上改變不大，只是快門按鈕旁增加多一顆自訂鍵。
去年 Sony A7 作為首部 Full Frame 無反，雖然好震撼，但除了唔太順手，小編 較擔心係部機對焦反應唔夠敏捷，而這次 A77 II 雖然大部份規格維持不變，但對焦系統優化後速度比 A7 快，小編 試後感覺終於去返理想水平，現在差少少就一按即「嘟」。其次 A7 II 最大改動係加入機身五軸防震功能，除了提供最高 4.5 級防震效果，更重要係支援本身冇反震鏡頭，包括 A-Mount 鏡頭，如果大家持有多支舊鏡就受惠。
▲ A7 II 對焦感覺明顯比之前快，加上配備五軸防震令手持拍攝優勢更大。（效果可以到文章最下方收看短片。）
▲ 拍片依舊支持 1080p 60p，但格式上多了 XAVC S 選項。
▲ 像素同為 2,430 萬像素，但如果插入 APS-C 鏡頭時就會降至 1,000 萬像素。
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
雖然 A7 II 是 A7 加強版，但兩者影像規格其實很接近，因此相片拍出來亦未見好大差別，論質素相片細節非常清楚銳利，但小編 在仍然覺得測光稍為 Under。至於雜訊，由 ISO 3,200 開始試拍至 ISO 25,600，我發現其實可用水平都係 ISO 6,400 左右，再上的話微粒會開始較粗。
▲ ISO 1,600 , F4 , 1/125s。
▲ ISO 3,200 （左）；ISO 6,400（右）
▲ ISO 12,800 （左）；ISO 25,600（右）
雖然 Sony A7 II 定價比 A7 貴，但無可否認 A7 II 整體感覺比 A7 良好，特別是手感可以話天壤之別，即使重一點、大部一點都值，更何況新機還加入五軸防震系統，如果本身有舊鏡係手就更好玩。不過，A7 II 暫時都吸引唔到小編 ，如果這個機身會推 A7S II 就真係不得了。
售價：$12,990 （淨機身）；$14,990（跟 SEL2870）； $20,880 （跟 SEL2470Z）
查詢：Sony（2345 2966）
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
