聖誕新年冇埞去最好嘅活動當然留係屋企打機，想貪方便買部 Gaming Notebook 返屋企？除了傳統 Alienware 或 Asus ROG，最近 HP 都推出全新 Omen 系列 Gaming Notebook，除了配置強勁，機身設計更非常有心思。（以下有更多資料。）
一講 Gaming Notebook 一般都只會想起 Asus 或 Alienware，這次 HP 推出 Omen 雖然只係「初哥」，但從外觀就知佢地很賣力，因為設計很有跑車味道。金屬製面蓋，黑色壓紋配搭銀色 HP 招牌，感覺已很「霸氣」。機身斜面邊框令 Notebook 感覺很纖薄，內部同為金屬製，鍵盤下方有特長 TouchPad，兩旁有透光的立體聲喇叭，而屏幕前柱狀關節兩端還用了好像被打火機燒過的顏色，種種設計都令 Owen 風格完全不似同廠其他 Notebook。
▲全黑壓紋金屬面蓋，加埋顏色 HP 招牌非常高貴。
▲ 斜面邊框令機身感覺更纖巧。
▲ 機背設計都很特別，而所有接口都設於機背。
睇完外觀，之後當然要睇下機內規格，其實佢同之前試過的 Asus ROG G551 同樣搭載 Intel Core i7-4710HQ、16GB RAM 及 GeForce GTX 860M 獨立顯示卡，此級數配置玩 BattleField 4（中等畫質）已不成問題，但僅配備 256GB SSD 儲存空間就稍為唔太夠用。此外，Omen 另一樣特別係配備 1080p 輕觸屏幕，這樣唔打機時可以更順暢操作 Windows 8，但缺點當然是付出更多。
▲ 搭載 Intel Core i7-4710HQ、16GB RAM 及 GeForce GTX 860M 獨立顯示卡。
【評測】HP Spectre x360 14 (2024) 外型 手感 體驗 屏幕 鍵盤 效能開箱評測 全新 HP Chromebook 發表 四款型號全部搭配 14 吋屏幕 HP 無預警關閉俄羅斯官網 遭當地媒體狠批「全世界都抵制 HP」
很多 Gamer 用 Notebook 都會外接駁鍵盤，原因未必關鍵盤唔好打，實際目標其實是想用「自訂鍵」，因此 Omen 就在鍵盤左方預留了 6 顆自訂鍵，配合 Ctrl、Shift 及 Alt 組合最多有 24 組設定，即使要來打 MMORPG 都唔怕冇技出。除此之外，佢更有趣係鍵盤及喇叭背光都可以自訂顏色，有助保守新鮮感。
▲ Notebook 來說很少會好像 Omen 提供自訂鍵設計。
▲ 背光可隨時自訂顏色。
▲ 雖然有 Keyboard BackLight，但亮度比想像中較暗。
HP 推出 Owen 絕對係誠意十足，有外形、性能強勁，但可惜售價最平要 $17,000 起，小編 聽後都不敢講一句「OMG」，因為價錢相比同級 Gaming Notebook 貴幾千蚊，但配置唔算特別強，如果單純為外觀牌子，相信傳統 Gamer 會偏向考慮 Alienware 或 Razor 其他品牌。
【評測】HP Spectre x360 14 (2024) 外型 手感 體驗 屏幕 鍵盤 效能開箱評測 全新 HP Chromebook 發表 四款型號全部搭配 14 吋屏幕 HP 無預警關閉俄羅斯官網 遭當地媒體狠批「全世界都抵制 HP」
