早前同大家報導過 Samsung 將會推出首部採用 Tizen OS 的入門平價智能手機 Z1，今日就有實機相片在疑似俄羅斯的網站流出。從相片看來，這部機雖然平，但外型確實好「入門」：膠殼、較厚，而且根據流出規格所示，就真係超入門。不過就 7 舊水港紙左右有得玩 smartphone，大家會考慮嗎？
根據資料表示，這部 Z1 將會採用 4 吋 480 x 800 解像度熒幕，並採用 1.2GHz 雙核處理器、768MB DRAM、4GB 儲存空間並支援 microSD 記憶卡及 1,500mAh 容量電池。它亦支援雙卡功能，但咁平當然只支援 3G 啦。鏡頭方面，亦只有超入門的 300 萬像素主鏡頭及 30 萬像素前置鏡頭，但就支援 Samsung 自家的低光拍攝及自動自拍功能。至於作業系統方面，當然是 Tizen OS，而當中亦包括由 UC 瀏覽器為 Tizen OS 度身訂造的 Tizen 瀏覽器（支援離線瀏覽）及由 Nokia 製作並支援離線地圖的 Here Maps。
預計此機會在 1 月 18 日（2015 年啦當然係）率先在印度推出，稍後就會輪到中國及南韓。售價方面，估計將會低於 90 美元（約 HK$702），似乎有點吸引，但問題是，如果在一些同價位而選擇不多的發展中國家推出，可能都會有一定吸引力；但如果在香港，其實俾多幾舊水可以有部平價 Android 手機，而且支援的 APPS 又多好多，吸引力會大大減低。unwire 讀者們又覺得呢部機點？如果 7 舊水有找你會買嗎？
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 市調：全球智能手機用戶穩定增長 iPhone 預期 2027 年全球最多用戶
