小米最出名係手機，但佢哋啲「小米路由器」其實都好受歡迎，原因冇非都係幾百蚊有 ac 制式 WiFi，難怪香港未有行貨都好多人爭住買水貨。不過，新一年小米香港宣佈 1 月 6 日起「小米路由器 Mini」正式開放發售，雖然 Mini 沒有內置 1TB 硬碟，但售價只須 $169，唔知佢同內地版有咩差別呢？（以下有更多資料。）
「小米路由器」小編 之前都試過，佢外形規格其實都唔差，但最唔 Like 應該係介面只有簡體中文，而這次借來的香港行貨「小米路由器 Mini」大致上同內地版完全相同，但重點是介面終於有繁體中文，而且仲係預設，開機登入就已經見到。選單方面，介面都已經全面繁中化，除了基本 WAN 連線及 WiFi 保安選項，佢仲提供 Port Forwarding、DMZ 及 QOS 頻寬管制等功能，相比小編 初初試「小米路由器」功能已全面得多（初期連 Port Forward 都冇…）。不過，更估唔多的是「小米路由器」專用的 PC Client 及手機 App 都有繁中版本，雖然仲有少少瑕疵，但起碼（尤其 PC）唔洗睇簡體或亂碼已經算好好了。不過，唔識睇中文仲有冇其他語言？對唔住暫時連英文都未有。
▲ 香港行貨版介面會全數轉為繁體中文，而且底部還有 FaceBook 連結。
▲ 語言合共有三種，包括簡體、香港繁體及台灣繁體，但英文或其他語言就仲未有。
▲ Router 基本功能包括 Port Forwarding、DMZ 等都算齊全。
▲ PC 及 Android 版專用程的都翻譯至繁中。不過，小編 測試時就冇法使用其下載功能。
「小米路由器 Mini」定位係「小米路由器」輕量版，重點都係雙天線 867Mbps ac + 300Mbps n 制式 WiFi，而且又有 1 組 USB 2.0 用作接駁外置硬碟擔當分享及下載工作。不過，兩者分別除了沒有內建 1TB 硬碟，機上的 WAN 及 LAN 只有 100Mbps，換言之最多支持 100Mbps 寬頻網絡，就算入屋再快都變返 100Mbps。不過「小米路由器 Mini」其實仲可當作 WiFi Extender 使用，這個價錢有 ac 制式 Extender 都算很便宜吧！
▲ 兩側天線可以揭開或收起。（成塊 Magic Trackpad 咁…）
▲ 機背提供 1 組 WAN、2 組 LAN 及 1 組 USB 2.0 接口，但要留意 WAN / LAN 都只支持 100Mbps。
▲ 包裝主要改為繁體中文說明，配件就只有說明書及火牛 (英式) 。
▲ 除了 Router 功能，它還可用作 WiFi Extender 功能。
「小米路由器 Mini」雖然好似冇「小米路由器」咁吸引（冇硬碟…），但行貨售價才 $169，這個價錢係腦場隨便揀一隻都可能只有 n 制式，更莫講話有冇 USB 功能，因此如果你屋企只用 100Mbps 寬頻或想用作 WiFi Extender 小編 都會推銷，但如果係因為「背景」咁就索性考慮其他品牌吧！
【評測】小米 S Mini LED 65 2025 開箱評測 QD – Mini LED 【評測】小米 15 Pro 亮銀版國行開箱評測 凹凸玻璃搶眼兼好手感 + 熒幕表現依然出色 + 相機配置驚喜欠奉 + 旗艦級效能電量亦夠「長氣」 【評測】小米 14T Pro 開箱評測 單手操控表現佳 + 夜攝表現出色 + 熒幕顯示亮麗 + 電量超「長氣」可用足一天以上 + 超抵玩旗艦效能手機
