去年「無反」競爭激烈，唔提大家都可能唔記得 Canon 其實都有類似機種，而佢哋今日係香港正式發佈 EOS M2，雖然佢係日本已推出一段時間，但畢竟都夠輕夠細，唔知用起來同 G7 X 或 G1 X Mark II 感覺差幾遠呢？（以下有更多資料。）
EOS M2 係 Canon 第 2 台無反相機，機身設計同上代很接近，改動主要是矮身少少、對焦燈及機旁接頭蓋，驟眼睇都幾難分。拿起感覺跟之前 G7X 有點似，但鏡頭就令佢重一點，但單手拍攝仍很輕鬆，這點比 G1X Mark II 好得多。當然相比 G7X 及 G1X Mark II 只配 EF-M 18-55mm f/3.5-5.6 套裝鏡頭是不能相提並論，幸好它還有 EF-M 22mm f/2.0 pancake 定焦鏡頭（另購）可替換，組合起來是部不錯的 SnapShot 機，功能上同 Ricoh GR 或 Nikon Coolpix A，但當然焦段上仍是輸蝕一點（22mm F2 等同 35mm）。
▲ 機身比 EOS M 矮身少少，拿起感覺依然輕便，如果搭載 EF-M 18-55mm 鏡頭就重 G7X 少少。
▲ 機旁有 HDMI 及 AV 輸出介面，而重點是增設 Mic-In 接頭。
▲ 機頂提供 Hotshoe 可接駁外置閃光燈，而套裝會跟埋閃光燈。
▲ 電池跟上代同屬 LP-E12 擁有 875mAh 容量。
▲ 套裝只跟 EF-M 18-55mm 鏡頭，如果搭載 EF-M 22mm Pancake 就更輕便。
去年 EOS M 好多人都指對焦唔夠快，來到 EOS M2 雖然依舊 1,800 萬像素 APS-C CMOS 及 DiGiC 5 處理器，但重點是升級了 Hybrid CMOS II 對焦系統，小編 現場試玩過一陣，發現對焦速度都算過得去，起碼感覺比 G1X Mark II 快（滴汗…），但可惜儲相仍覺得有點慢。除此之外，EOS M2 還增設了內建 WiFi，可跟手機及平板連接，其次它還有 Movie Servo AF 及特設 Mic-In（可外接收音咪）等拍片輔助功能，但影片格式只有 1080p 30p 就有點「Out」。
▲ 依舊可拍攝 1,800 萬像素相片，而且支援 RAW 格式拍攝。
▲ 拍片有新增功能，但影片格式維持 1080p 25p/30p 就有點兒…
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用
如果以 Kit 鏡作標準，小編 認為 EOS M2 相片算唔錯，放大可清楚睇到頭髮、眼睫毛等細節，而且都說幾 Sharp。不過 ISO 方面，我認為上限去到 ISO 3200 左右，因為再上雜訊就明顯較粗，這點同使用舊一代 DiGiC 5 多少都有點關連。
▲ ISO 測試原相
▲ ISO 1,600
▲ ISO 6,400
▲ ISO 12,800
EOS M2 老實說並唔太差，但缺點是香港出得太遲，因為日本去年早已發售，當時 G7X 及 G1 X Mark II 還未發表，如果只跟 G16 或 S120 比較 EOS M2 就明顯佔優。現在有了 G7 X 及 G1 X Mark II，雖然它們沒有 APS-C 感光元件，但相反鏡頭規格就較佔優，如果要咁辛苦純粹為多鏡換，那為何不考慮 EOS 100D，相反為方便考慮 G16 或 G7 X 就得，更何況香港定價 $4,990 只屬單鏡套裝，同等價錢未免有太多選擇吧！而且好多 unwire 讀者有心入手的話，已經一早上網入日水，平好多了..
售價：$4,980 (跟 EF-M 18-55mm 鏡頭 + 閃燈套裝)
查詢：Canon（3191 2333）
【評測】Canon EOS R5 Mark II 全能高像素無反相機 AI 對焦性能大提升 + 人像與風景試相放大睇 【現場實試】Canon EOS R5 Mark II AI 動作優先對焦 + 註冊人物優先對焦功能實用
