之前 HTC 發表 Desire 820 平價版 Desire 620 Dual SIM，兩部機驟眼睇好似單純大細屏幕，規格又削弱少少，但價錢又平一節，唔知用起來實際又會邊部抵玩啲呢？（以下有更多資料。）
Desire 620 Dual SIM （下稱 Desire 620） 好多人認為只係 Desire 820「縮水版」，可是小編 拿到真機就發現佢其實好唔同，外表好似單純把屏幕縮細，但拿起 Desire 620 就會感覺到明顯較厚，繼而令單手操作好似同 5.5 吋的 Desire 820 分別不大，小編 自己都係僅僅得，而且仲有少少「墜手」。不過，以上種種問題全都源於此機原來可以拆蓋，機背內有 2,100mAh 電池及 2 個 Micro SIM 卡槽，難怪部要做厚點才行。最後， Desire 620 雖然有上下喇叭，但實際佢係冇 BoomSound，聲音都由下方發出，鍾意用喇叭睇片就要留意。
▲ 雖然 Desire 620 屏幕細了，但拿起可以清楚感覺到機身較厚，令手感跟 Desire 820 不是差很遠。
▲ 機背都是反光面膠製外殼。
▲ 機身變厚的原因是可以拆蓋，而且還可插入 Micro SIM 及更換電池。(一邊是 4G 一邊是 2G)
▲ 雖然設計上 Desire 620 都有上下喇叭，但實際並冇 BoomSound，只有下方喇叭才會出聲，上方側是聽筒。
起初以為 Desire 620 冇乜特別，但想唔到「著機」後小編 都不感檢查雙眼同睇下係咪仲有膠紙未搣，因為最近試過的 $2,000 以上手機都未試過會好似 Desire 620 咁屏幕有層霧，感覺完全唔似 720p 屏幕，小編 估計原因一來是屏幕保護玻璃質素，二來是 LCD 與玻璃之間有較多「虛位」導致內部反光，令畫面總是覺得唔 Sharp。除此之外，屏幕仲有暖色溫及亮度不足問題，簡單說唔討好。（小編 特別找來零售版跟手上的比較，發現情況差不多。
▲ 屏幕明明係 720p 但睇落感覺總是少少朦，唔太似 720p。
▲ 看反光就可以看到 Desire 620 保護玻璃的影像比較化同較灰。
▲再看看玻璃與 LCD 之間的「虛位」，Desire 620（上方) 距離亦較明顯。(下方是「紅米 Note」)
▲ 屏幕亮度也是 Desire 620 的弱點，打側就已經變得非常暗。
Desire 620 除了屏幕，改動包括改用 Qualcomm Snapdragon 410 及 1GB RAM，雖然配置削弱，但配合 Android 4.4 及 Sense UI 操作都很順暢。其次，主鏡頭會稍降至 800 萬像素，都有基本手動設定，試拍過反應不差很遠，只是相片放大「油畫」比較明顯，而且 Desire 820 有的功能如「前後拍攝」就被省去。
▲ 配備 Qualcomm Snapdragon 410 及 1GB RAM ，操作仍很順暢，而 Antutu 大約錄得 20,000 分。
▲ 此機支援 4G + 2G 網絡的雙卡雙待，但主卡及副卡須人手切換。
▲ 拍攝介面仍提供有限度手動設定，但模式就只剩影相及自拍。
▲ 相片雖然冇乜雜訊，而且很平滑，但細節存在「油畫」問題。
Desire 620 雖然規格削弱，但部機有得換電同插 Micro SIM，撇開屏幕整體表現都唔太差，唯一係售價稍為過了心理關口，如果定價 $2,000 以下或同價配置 1.5GB/2GB RAM 就會較吸引，不然其實考慮 Desire 820 更實際。
售價：$2,198
查詢：HTC（3077 5588）
