小米今日在北京發佈 2015 第二款手機「小米Note」，聽個都知目標是針對 iPhone 6 Plus 及 Note 4 等機種，除了屏幕增至 5.7 吋，這次機身更採用雙玻璃面等設計，想知這部比「小米4」更高規格的手機表現係點，就等小編 係北京現場同你試。（以下有更多資料）
小米推出「紅米 Note」後，相信好多 unwire 的讀者都以為「小米 Note」只係「小米4」放大版，但事實小編 試過真機可以肯(肯)定話俾大家知感覺完全唔同，因為「小米 Note」拿上手真係好輕好薄，雖然佢實際厚 6.95mm，薄機來說未算最薄，但佢最利害係使用雙玻璃面設計，前面是 2.5D 弧形玻璃，背後是更弧的 3D 玻璃（感覺有點似 Note Edge 的弧邊），這樣手握時就有更貼手，再加上邊框都是金屬製，拿起有 iPhone 6 Plus 及 Note 4 感覺但更輕更薄，設計有驚喜，但可惜是外表仍離不開其他機的影子。（白機有點似 Note 4）。
▲ 大屏機來說，小米 Note 的確很輕很薄，單手操作都勉強可以。
【評測】小米 14T Pro 開箱評測 單手操控表現佳 + 夜攝表現出色 + 熒幕顯示亮麗 + 電量超「長氣」可用足一天以上 + 超抵玩旗艦效能手機 【評測】小米 MIX Fold 4 國行開箱評測 機身更輕薄手感更佳 + 更硬淨耐用 + 電量用足一日以上 + 表現四平八穩 + 散熱效率一般 小米 SU7 Ultra 預訂價公佈 SU7 10 月交車突破 2 萬部
「小米 Note」另一有驚喜係相機，小編 指o既唔係鏡頭「平」過 iPhone 6 Plus 或機背使用 1,300 萬像素 OIS 鏡頭，而係機前用了 2µm 像素體積的 400 萬像素前鏡頭，規格跟 HTC 的 Ultra Pixel 相似，但小米把它放在前鏡頭，簡單說即係可自拍更具細節的相片，而小編 睇返試相發現背光自拍頭髮等細節依然很清晰，效果唔錯！喜歡自拍的 unwire 讀者應該會喜歡。主鏡頭方面，這次主要係加入 OIS 光學防手震，像素一樣是 1,300 萬，但光圈就比「小米4」細少少為 F2.0，不過佢仲有雙色 LED 補光燈，條件都稍為佔優，可惜相片質素普通，問題是「油畫」情況比較明顯。
▲ 機前配備了 2µm Pixel Size 的 400 萬像素前鏡頭。
▲ 前鏡頭雖然只有 400 萬像素，但拍出來質素非常唔錯，尤其此相片是背光拍攝。
▲ 拍攝介面跟「小米4」差不多。
▲ 主鏡頭有 1,300 萬像素及光學防手震，但相片質素只是普通，原因是低 ISO 環境都有「油畫」情況。
今日現場可試的只有「小米 Note」標準版，老實說規格並不驚喜，因為僅設 1080p 屏幕、Qualcomm Snapdragon 801 及 3GB RAM，規格跟目前高階機種差唔多，相比「頂配版」有 2K 屏幕及 Qualcomm Snapdragon 810 就明顯「睇頭」得多。除此之外，「小米 Note」都算仲有 2 項突破，第一係終於支持雙制式LTE 合共 5 模 15 頻網絡及雙卡雙待，第二是增設 DAC 解碼晶片支援 24bit/192Kit 音效輸出，規格總算追貼其他機種。最後，「小米 Note」內建了 3,000mAh 電池，但小米指其電池屬 4.4V 規格而非標準 3.7V，因此理論上續航力會比同級 3,000mAh 更耐用，而且它還說支持快速充電，估計應該是 Qualcomm Quick Charge 2.0 居多。
▲標準版配備 Qualcomm Snapdragon 801 及 3GB RAM。現場無法跑分，但成績估計有 40,000 分左。
▲ 1080p 配搭 92% NTSC 色域，顏色睇落好似豐富啲，但感覺唔算非常驚喜。
「小米Note」標準版雖然規格唔算好突破，但憑著較特別設計，加上有雙制 LTE 及 Hi-Res 音效輸出等，從規格睇都算用得過，唯一缺點是此機不設 MicroSD 卡槽，因此想聽歌的就一定要買 64GB 即 RMB $2,799 那個型號。至於「頂配版」配置的確是目前最強，但一來售價較貴（超過心理關口），二來開售日期仍未知數，如果時間比其他品牌遲出就唔太睇好。至於會否在港發售？小編 問了相關人士，「小米Note」將於第二季前於香港發售，發售時間還會比「小米4」更早（不如 Skip 咗佢吧喇）。
【評測】小米 14T Pro 開箱評測 單手操控表現佳 + 夜攝表現出色 + 熒幕顯示亮麗 + 電量超「長氣」可用足一天以上 + 超抵玩旗艦效能手機 【評測】小米 MIX Fold 4 國行開箱評測 機身更輕薄手感更佳 + 更硬淨耐用 + 電量用足一日以上 + 表現四平八穩 + 散熱效率一般 小米 SU7 Ultra 預訂價公佈 SU7 10 月交車突破 2 萬部
