每日有 24 小時，每小時有 60 分鐘，每分鐘有 60 秒：這個道理，自小學起我們已經學曉。不過大家要記住：一分鐘未必只有 60 秒，有可能是 61 秒的！而這個「閏秒」現象，將會在今年 6 月 30 日晚上 11 時 59 分發生，而且有機會造成全球電腦、網絡大故障，類似當年的「千年蟲」威脅！
簡單點說，6 月 30 日 23:59:59 秒之後，會被紀錄為 23:59:60，然後再後一秒才是 7 月 1 日的 0:0:0。這是人類史上第 26 次出現的「閏秒」事件，而上一次出現，是 2012 年 6 月，當時 Reddit、LinkedIn、Yelp 等網站，以及跨國銀行的匯款系統、提款機的計時系統、以及航空通訊系統都出現過一陣子的混亂。
可能大家會不明白：閏月我就聽過唧，乜秒都有得閏架咩？沒錯！閏秒是由 IERS 公佈的，主要用來彌補因地球自轉而減慢的時間，而「閏秒」之所以會令電腦及網絡出現混亂，是因為電腦及網絡無法識別「兩個連續的相同秒數」，亦沒有「 23:59:59 秒之後，會被紀錄為 23:59:60，然後再後才是 0:0:0」這個概念，因而造成混亂。
雖然多國曾經呼籲取消「閏秒」制度，但 Google 早前曾經開發了「Leap Smart」技術，這可以毋須每隔一段時間加上一秒，反而是在時鐘內慢慢增加毫秒，每分每秒都加啲啲，以解決「閏秒」問題。
不過對於一般人來講，多出一秒，其實都唔會太影響生活罷了，但要記得 6 月 30 日至 7 月 1 日交界的一刻，最好就唔好進行「高危動作」，例如：係提款機禁錢、係網上匯錢、股票交易等，咁就唔洗擔心啦！
