自拍除咗睇手機鏡頭，用咩工具都係一門學問，唔想好似一般人咁帶住支「神棍」出街？今日配件品牌 ahha 就發佈一款專為 iPhone 6 而設的 Selfie Snapshot Case，用了這個保護套就可以輕鬆免棍自拍，想知佢有幾神奇就等小編 同大家試下。（以下有更多資料。）
Selfie Snapshot Case 驟眼睇好似有個平平無奇嘅透明底殼，但其實佢特別在外側附關節設計，外框可自由轉動，用途除咗無聊轉下解悶，當支架撐起 iPhone 睇片 (橫直都得)，其實佢重點功能係將部手機伸出去自拍，好處係唔洗再帶「神棍」，二來冇咁易意外撞跌，但伸出後點按快門影相？ahha 就特別寫了一個「ahha emoji」的自拍 App，重點係加入 ahha 聲控及 Timer 快門，其次佢仲有得意 Sticker 可以加到相片中，讓自拍者可以加入更多創意及玩味元素。小編 現場都試過發現用 Selfie Snapshot Case 自拍距離都算適中，勉強都夠 1-2 個朋友一齊自拍，單純一個保護殼黎講功能都幾創新實用。(利申：最憎用「神棍」）
售價：$159 (提供 iPhone 6)
▲ 提供 「ahha emoji」自拍 App 可讓用家加 Sticker 或後製相片。
近年好多 Android 手機都加入類似 LG Quick Window 的「天窗」保護殼，它們好處係不用打開保護殼都可以簡單操作或接電話，而 ahha 另一款 Rolland View Fashion Flip Case 就能在 iPhone 6 上實踐相同功能，用咗佢「天窗」就可以睇時間，而底部金屬紋就用來接電話，變相令關住封面都能提供簡單操作。
售價：$219 起 (提供 iPhone 6/ Plus)
另一款要介紹的重點產品係 Dual Face Flip Case，顧名思義佢擁有兩面設計，雖然佢外表同一般摺疊殼差唔多，但打開後封面其實可繼續向後摺疊，變相令另一面封面會反出來，正如封面一面係沉實淨色，另一面就會有花紋，讓用戶可以隨時變換手機或平板外觀。
售價：$209 起 (提供 iPhone 6/ Plus、iPad Air 2、iPad Mini 3)
▲ 一邊淨色一邊圖案，用戶可隨時更換外觀。
▲ ahha 還宣佈與詹瑞文合作推出 Cheer u up 系列特色保護殼。
▲ Miss Hunny 同 Lulu 都有自己的特別版 ahha 機殼。
查詢：冠恆 (3619 6500)
