Letv 舊年係香港推出了兩部超級電視：4K 50 吋 X50 Air 及 40 吋抵玩 S40 Air，售價確實震撼。不過要買得到，次次都係限量要同人搶崩頭，又要睇住官網網相就俾錢，無得先睇實物先決定入唔入手，對於香港人來講總係差啲啲。今日 Letv 就在多間電器舖展出兩部電視，大家唔止可以先試後買，而且隨時都買到唔洗等搶購。
至於售價方面，如果在門市購買 X50 Air，售價為 $6,500（機價）+ $1,188（兩年樂迷 99 狂睇組合 x 24 個月）；而 S40 Air，售價則是 $3,100（機價）+ $1,188（兩年樂迷 99 狂睇組合 x 24 個月），確實係比商城開售價貴。但可以有現貨唔洗等，亦有 Demo 機比大家試睇，感覺係好啲嘅。至於有展出 Letv 超級電視的店舖，表列如下（按圖可放大）：
