較早前 Samsung 推出中價金屬機 Galaxy A3 同 A5，當時唔少人都讚手感唔錯，但規格同屏幕大細仲係差少少，因此它們再推 A 系列「大佬」Galaxy A7，賣點係屏幕更大，規格更強，並保留金屬設計等賣點，想知佢同 A5 邊部好用啲就要留意。（以下有更多資料。）
Galaxy A7 係之前 A3 及 A5 的申延型號，重點係屏幕增至 5.5 吋，機身比 5 吋的 A5 大部，佢邊框依舊用o左同款金屬設計，但厚度比 A5 更薄，故此拿起感覺唔覺大部好多，單手可輕鬆操作，而手感同 Note 4 已經好唔同。不過，A7 同 A5 都存在相同缺點，小編 指的是主鏡頭凸起，一來鏡頭較易刮花，二來凸起放係檯時都較易整跌，而且大部咗後 A7 機背亦有種空虛嘅感覺，相比之下 A5 比例上比較討好。
▲A7 屏幕增至 5.5 吋，但單手仍可輕鬆操作，而且感覺唔算重。
▲ A7 機身機身會比 A5 大部少少。
▲ A7 比同系列 A5 更薄身。
▲ A7 同樣不能拆蓋換電，機旁有兩個卡槽，一邊是 Nano SIM (SIM1) 另一邊則是 Nano SIM / Micro SD (SIM2)。
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
雖然 Galaxy A5 感覺較討好，但佢始終只有低階配置，相比之下 A7 規格會追貼返高階型號。首先，它配備 5.5 吋 1080p Super AMOLED 屏幕，顏色同 A5 差唔多，但睇細字會更清楚細緻。其次，機內同屬 2GB RAM 及 16GB 儲存空間，但處理器就會改用高一級的 Qualcomm Snapdragon 615，擁有 4+4 的 8 核架構，並支持 64bit 運算，日後升級 Android 5.0 後就有更佳發揮。軟件方面，機內預載 Android 4.4，其他軟件跟 A5 及 A3 大至相同，例如前鏡頭支援 Wide Selfie 及實時美顏等等。
▲ 搭載 Qualcomm Snapdragon 615 、2GB RAM 及 16GB 儲存空間，於 Antutu 錄得約 27,000 分。
▲ 主鏡頭同樣有 1,300 萬像素及支援 1080p 短片拍攝。
▲ 前鏡頭一樣 500 萬像素，並有招牌 Wide Selfie 及實時美顏功能。
Galaxy A7 規格較強、屏幕較大，機身仲要更薄，雖然小編 偏愛 A5 外形，但兩者差價僅 $400 ，實在諗唔到理由點解唔買 A7，當然單純規格 Alpha 系列係比較貴，但要知道金屬機從來都唔會平。
售價：$3,698
查詢：Samsung （3698 4698）
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
