今時今日睇電視，識睇自然係睇曲面，尤其是睇電影電視個陣，個種包圍感好似係戲院睇戲咁，真係好爽。今日 Samsung 就在香港發佈早前在 CES 發佈的全新 SUHD 曲面熒幕電視 JS9900，成 88 吋曲面熒幕睇戲究竟效果點？就等 Edward 同大家快速試試。
今次 Samsung 推出的 SUHD 電視，系列及尺寸都好多，而旗艦系列就係 JS9900，特色就係引入最新的 SUHD 引擎，其實早前在 CES 時已為大家介紹過，詳情可按此查閱。至於效果，Edward 試過佢最高階個部 88 吋，發覺畫面真係好 sharp 好銳利，真係去到「每條毛都睇得清清楚楚」的效果，加上擁有 4K 解像度，清晰度自然加分。另外，熒幕顯示色彩鮮艷得來又唔會有重「味精」感，對於追求自然效果的用家來講，應該會幾滿意。
▲採用 SUHD 引擎的 JS9900，畫面影像好銳利，而且色彩鮮艷得來味精感唔重。
另外，JS9900 採用了曲面熒幕設計，尤其是係 88 吋熒幕上睇，包圍感可以話得上直迫戲院感受。而且可視角度好高，就算係側邊都可以清晰睇到顯示影像，如果你想將戲院睇戲感受搬番屋企，JS9900 應該可以俾到你唔錯的視覺體驗。
▲採用曲面熒幕，所以整個電視機身都係曲面的，而端子亦收藏得好好，背面好平滑好靚。
▲可視角度好高，就算側面睇都唔會影響影像質素。
整體來講，JS9900 係電視質素來講，確實係好高。而且 88 吋熒幕下睇電視或者電影，個種包圍感加上好高的熒幕質素，用來睇戲真係好有係戲院睇個種感受，用來係屋企睇戲肯定爽爆！不過所採用的 Tizen OS 平台，今次記者會由於時間過於趕急，唔夠時間同大家試盡。另外 Samsung 仍未公佈呢部電視幾錢，但以呢個表現加上尺寸，肯定好很貴!!! 不過嘛，88 吋的曲面電視，其實唔係個個屋企都用得著（始終個廳要有番咁上下大囉），所以真係想買的話，買較細的 65 吋、甚至下一級的 JS9800 55 吋，都係比較現實的選擇。
▲低一級的 JS9800，設有 65 吋及 55 吋選擇。
[divider]
▲Samsung 現場展出了其他系列的 UHDTV，同樣亦會在今年於香港推出。
▲現場亦有展出為曲面電視而生的無線彎曲中置喇叭，無論掛牆定係放係電視櫃都幾靚。
▲當然亦有傳統的直條中置 soundbar。
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
