女為悅己者容！相信唔止為「悅己者」，女士天性愛美，自然想皮膚每日都靚一靚，如果唔係美容院生意點解長做長有？Sony 最近就睇準呢個市場，將於三月推出專為檢測皮膚質素而生的 BeautyExplorer 相機，利用全新的相機系統，掃描女性皮膚並在平板上顯示皮膚質素，從而可針對性作出改善。
據消息表示，這部 BeautyExplorer 採用了 Sony 最新的 CMOS 圖像感應器，擁有 130 萬像素，可以深入皮膚底層，探測肉眼看不到的皮膚細節，再透過電腦或平板的軟件進行演算，並與儲存在雲端的標準數據進行比較，從而判斷受測者皮膚質素優劣。而相機採用便攜設計，而且內建充電池，每次充電可以連續使用 110 分鐘。
Sony 表示，這款 BeautyExplorer 美容相機，可以測出皮膚上的粉刺、保濕程度、黑色素、油脂及色素程度，質素之高就算應用在專業美容領域亦無問題。唔知當 Sony 推出 BeautyExplorer 後，會否有美容院採用呢？各位絲打，不妨留意一下吧。
來源：Daily Mail
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
