近年多咗人將 Tablet 當手機用，雖然用得年紀都唔會好後生，但唔代表佢地對規格毫無要求，而 Asus 最近又再推新款 Fonepad 7，設計更輕薄，而且規格都有 2GB RAM，唔知實際用起來會點呢？（以下有更多資料。）
Fonepad 7 出咗幾年設計都係比較笨重，但這次介紹的 FE171CG 外觀上終於有所改變。首先，最明顯係邊框窄o左，機底亦由弧底改用「餐肉罐」設計，單手握住感覺更「Slim」，重量比 Sony 的 Z3 Tablet 墜手少少，但小編 覺得邊框加咗條銀邊後，感覺同某韓品牌的 Tablet 有幾分似。
▲ 換了設計後，拿起手感比之前好。
▲ FE171CG 機身其實唔係厚 Sony Z3 Tabet 好多。
機旁可插入 2 張 Micro SIM 卡。
▲ 較近底部還有一個 Mirco SD 卡槽。
▲ 按鍵、USB 、耳機接口都設於靠近右上角。
▲ 喇叭及聽筒都放在前方。
Asus Tablet 近年都用 Intel 處理器，但 FE171CG 未有像 MeMo Pad 用 Atom Z3745，反而用舊款 Atom Z2520 處理器，缺點是仍屬雙核架構，性能唔算很強，但這次配置勝在有 2GB RAM 及 16GB 儲存空間。不過，此機最大問題係屏幕只有 1024 x 600 解像度，雖然佢係 IPS 面板，但太低密度睇字有時都覺得有點朦，其實 7 吋 720p 都唔過份呀？此外，FE171CG 本身是支持 3G 雙卡雙待，機旁可插入 2 張 Micro SIM，而重點通話音量，小編 試過聽筒都算幾大聲，但除此之外就冇咩特別。
▲ 只搭載 Atom Z2520 雙核處理器及 2GB RAM，於 Antutu 可錄得約 19,000 分。
▲ 7 吋屏幕只有 1,024 x 600 解像度，睇細字會有點辛苦。
▲ 支持雙卡雙待。
【評測】ROG Zephyrus G16 輕薄電競筆電 再見厚底勁嘈風扇 超薄寧靜機內置 RTX 4070 【評測】ASUS ZenBook S 14 OLED 開箱評測 獨特設計美觀手感佳 + 整體表現中上 【評測】ROG Phone 9 Pro Edition 開箱評測 打機感覺像出「cheat」
FE171CG 預載 Android 4.4 及 Zen UI 介面，功能同之前大同少異，其中包括 Do It Later、What’s Next 及 Splendid 等等。至於相機，介面設定豐富是 Asus 機的強項，除了有先拍攝後對焦等模式，短片都有 Time Lapse 及移軸效果，但可惜是主鏡頭只有 500 萬像素，相片雜訊比較明顯，幸好細節都仲算清楚。
▲ 預載 Android 4.4 及 Zen UI，功能同之前的 Fonepad 或 MeMo Pad 冇大分別。
▲ 相片細節清楚，但可惜雜訊較明顯，而且只有 500 萬像素。
Fonepad 7 (FE171CG) 這次外觀手感都有所改良，但問題係配置仍然係有點「兩頭唔到岸」，尤其屏幕未達 720p 係致命傷。售價方面，$1,698 唔算特別便宜，但如果俾長輩或小朋友用，起碼唔洗煩裝 App 唔夠位先。
售價：$1,698
查詢：ASUS (3582 4770)
【評測】ROG Zephyrus G16 輕薄電競筆電 再見厚底勁嘈風扇 超薄寧靜機內置 RTX 4070 【評測】ASUS ZenBook S 14 OLED 開箱評測 獨特設計美觀手感佳 + 整體表現中上 【評測】ROG Phone 9 Pro Edition 開箱評測 打機感覺像出「cheat」
