Samsung Unpack 發佈會發佈了全新 Galaxy S6 及 S6 Edge 旗艦手機，這次跟 Note 4 一樣用金屬邊框，但規格及功能都比 Note 4 更強，想知 S 系列仲有咩驚喜，等小編 係西班牙同大家現場實測。(以下有更多資料。)
去年 Note 4 引進金屬設計後，今次 Galaxy S6 及 S6 Edge 都一同使用金屬設計，機身用了金屬邊框，雖然感覺有啲似 iPhone 6 Plus，但佢設計並非全弧 (S6)，手握感覺更紮實。機背方面，這次 S6 用了 Gorilla Glass 4 玻璃機背，配合不同顏色截折射效果突出，外觀同 Galaxy S5 「點點殼」差異甚大，但缺點係容易印上指紋。至於 S6 Edge 同 S6 分別，S6 Edge 屏幕兩邊都有弧面設計，拿起感覺會比 S6 更貼手，因此兩機小編 比較鍾意拎 S6 Edge。
▲ S6 拿起感覺紮實，而 S6 Edge 就紮實兼更貼手。
▲ 網上有更多人指 S6 / S6 Edge 跟 iPhone 6 Plus (上) 很似，但實際 S6 邊框並非全弧設計。
▲ S6 Edge 體積上跟 Galaxy S5 差唔多，但用了弧邊邊框更窄，感覺好似更細部。
▲ 雖然 S6 Edge 跟 Note Edge 一樣屬有弧邊屏幕，但用途就不可像 Note Edge 獨立運作。
▲ 機背使用 Gorilla Glass 4 機背，配合顏色折射，感覺高貴美觀。而機背主鏡頭會微微突起，背部依舊有心率掃瞄器。
雖然 S6 Edge 同 Note Edge 都係弧邊，但 S6 Edge 弧邊屬伸延部分，除了連絡人顏色及鬧鐘顯示，功能就不似 Note Edge 獨立運作。屏幕方面，S6 及 S6 Edge 都是採用 5.1吋 2K Super AMOLED 屏幕，顏色感覺同之前 Note 4 差唔多，但配合 Gorilla Glass 4 表面「水晶」感更突出。不過，小編 試玩後發現 S6 Edge 都有個小問題，就係睇網頁時文字會在弧面邊緣上顯示，感覺有點奇怪。
▲ Galaxy S6 屏幕顏色同之前 Note 4 / Note Edge 接近，但亮度就好似 Note Edge 高少少。
▲ S6 Edge 睇網頁時部分文字會在弧面上顯示。
▲ S6 Edge 弧邊的功能包括有 Edge Lighting 及 People Edge 等提示功能，實用性一般。
【評測】Samsung Galaxy A55 外形 手感 屏幕 相機 效能開箱評測 【實試】Samsung Galaxy AI 支援廣東話 講電話也能翻譯 + 辨識能力強 傳 Samsung 減少尺碼選擇 Galaxy Ring 只提供 8 種尺碼
每次新旗艦機推出，大家都早預知會用 Qualcomm 新處理器，但來到 S6 定局打破了！因為它們都用了 Samsung 自家製 Exynos 7420 處理器，架構跟 Snapdragon 810 同屬 4+4 的八核心，主要分別係 GPU 改為 Mali-T760，從 Antutu 測試錄得約有 65,000 分，成績跟 One M9 或 G Flex 2 只有約 52,000-55,000 分高很多。除此之外，S6 / S6 Edge 還會採用 3GB DDR4 RAM 及 32GB-128GB 混合式儲存空間，速度比 Note 4 更快更省電。雖然性能無可挑剔，但 S6 缺點係不支援 MicroSD 擴充，換言之空間多少僅取決於購買時的容量。
▲ 搭載最新 Samsung Exynos 7420 處理器，Antutu 測試錄得約 65,000 分，成績遠超 Qualcomm Snapdragon 810。
▲ 跑分期間整個機背都有發熱情況。
▲ S6 及 S6 Edge 都只有一個 SIM 卡槽，因此無法換電及插入 MicroSD 卡。
▲ 雖然沒有搭載 Qualcomm 處理器，但 S6 / S6 Edge 仍支持快速充電及內置無線充電。其中快充官方聲稱 10 分鐘可充 4 小時用電量，但實際速度要可能返香港先試到。
這次 S6 / S6 Edge 搭載 1,600 萬及 500 萬像素前後鏡頭，兩者均屬 F1.9 大光圈及支持實時 HDR，相機啟動及對焦都超快，而且平時拍攝 HDR 都無須等候，關掉時更可高速連拍，感覺非常「爽」。相片方面，主鏡頭雖然有 HDR 協助，細節清晰但唔太銳利，感覺普通。相反前鏡頭，
▲ 這次拍攝模式改用並列顯示模式，操作更方便，但感覺有似 HTC 的 Eye Experience。另外，拍攝功能上亦新增專業模式及追蹤 AF。
▲ 主鏡頭主要改動是 F1.9 大光圈及實時 HDR，相片質素普通。
▲ 前鏡頭像素高咗及擁有 F1.9 大光圈，自拍照感覺較清晰。
這次 Samsung 發佈 Galaxy S6 / S6 Edge 兩部旗艦機，外觀設計比之前大大改進，加上搭載最新最強配置，相信令唔少人包括小編 對 S 系列的印象改觀，規格冇大問題，只是不設 MicroSD 擴充是比較失望，如果 2 選 1 我認為 S6 Edge 相對比較吸引，始終人鍾意貪新鮮！
【評測】Samsung Galaxy A55 外形 手感 屏幕 相機 效能開箱評測 【實試】Samsung Galaxy AI 支援廣東話 講電話也能翻譯 + 辨識能力強 傳 Samsung 減少尺碼選擇 Galaxy Ring 只提供 8 種尺碼
