前排有一則新聞，話識上網的人傾向唔支持政府，唔識上網的人傾向支持政府。我第一時間諗起高登仔之前返學，老師講過科技發展與大眾世界觀的改變。
鍾景輝 mode：遠古時代，手無縛雞之力的人類已經開始群居生活，壯大聲勢，團結就是力量。幾千年以來，人類不同的族群確立文明，建立制度，除了生存，還有了生活。但無論有多偉大的發明，如車、船、指南針，前人均沒有「去旅行」的概念。鄭和下西洋好，張騫出使西域開闢絲綢之路好，歐洲人開發美洲新大陸好…所有要離鄉別井的遠征，均被視為去送死。佢地抱著必死的決心，在異地留下腳毛腳印。
以前出得去的人都雄心壯志，想打一片天下回來，但因為資訊不流通，令佢地無法預計過到去會見到啲乜野洪水猛獸；以前大部分人眼中的「世界」沒有現在的大，接受程度自然沒那麼高，警覺性及危機感自然較多，所以動刀動槍有生有死在所難免。
但回來 21 世紀，資訊科技發達，我們安坐家中能知天下事，你無法回到以前只知道自己族群的年代。只要手指輕輕一撥，十萬九千七里外有隻狗係樹上跌左落黎都知，更何況而家啲人成日主張要走出 comfort zone，要認識祖國，放眼國際，我地的世界變得越來越大。
無可否認，Globalisation 世界一體化是大趨勢，尤其體現於沒有國界的網上世界，基本上只要你識Google，冇野係search唔到。資訊爆棚，思想變得更複雜，快樂指數下跌。但活在呢個年代，係咪仲可以繼續將個頭塞落樹洞，扮睇唔到天下事呢？「無知便是福」仲係咪 applicable 呢？
唔好傻啦，學上網啦。
