傳了很久的 Macbook Air Retina 終於面世喇！新機名為「Macbook」，配備 12 吋 Retina 屏幕！擁有目前最輕薄設計，並繼 iPhone、iPad 後再度把金色引進到 MacBook 上，想知更多新機資料就等小編話俾你知！（以下有更多資料。）
這部全新 12 吋「MacBook」設計將會比 MacBook Air 更輕薄，它依舊使用金屬製機身，但最厚位置比 MBA 11 足足薄了 24% 僅 13.1mm；重量亦只有 910g (0.91kg)，數字比 MBA 11 還輕約 200g，毫無疑問是有史以來最輕薄設計。此外，另一焦點係外殼除了銀色及太空灰外，還首次引進金色到 Macbook 產品，但多年機背的發光蘋果 Logo 就隨之消失了。
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
MacBook 大家最期待當然是 12 吋的 Retina 屏幕，解像度為 2,304 x 1,440，數字上固然比 MacBook Air 優勝，但數字較 MacBook Pro Retina 13 低，比例不變維持 16:10。當然好多人都擔心 Retina 會更「食電」，但實際新 Panel 會比之前省電 30%。
MacBook 鍵盤及 touchpad 將會使用全新設計，鍵盤除了分佈得更貼邊緣，最大改動是按鍵改用「蝴蝶」關節，設計令按下時力度更平均，按鍵可以更薄，而且每顆鍵面積大了 17% ，比現時的鍵盤更加好打。
至於 TouchPad，設計主要新增了壓力感應器，支援新 Force Click 功能，在 OSX 上 Force Click （用力長按)可以在網頁上即時啟動 WiKi 或開啟 File 時即時預覽等等，輕力／重力按打控制簽名筆跡及 Quicktime 的 Shuffle 速度等，藉此令手勢功能更多元化。
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
又要 Retina 又要保持 9 小時續航力，規格當然要更低功耗，因此 MacBook 這次會選用 Intel Core M 處理器，功耗只有 Core i5/i7 的 30% 僅 5W TDP，但代價是性能比 MacBook Air 更低，依照目前 Intel 定位 Core i3/i5/i7 屬主流；Atom 是最入門；而 Core M 就在兩者之間，比現時平價 Notebook 上見到的 Pentium 高級少少，因此用途上會有更多限制，例如「Render 片」需時更久或打機冇咁順暢，但更神奇是它會配備 8GB RAM 及 256GB SSD，條件都比 MBA 優勝，感覺耐人尋味。此外，MacBook 還值得留意是主機板將會採用「無風扇」設計，這點確保運作時無噪音，但發熱與否就要試過先知。
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
新的 Macbook Retina 電池分幾層，可以用盡機內每一寸空間，加上 Core M 的超省電技術，能夠做到電容量增加 35% 下提供 9 小時的上網瀏覽及 10 小時 iTunes 電影播放的使用時間。
為講求最輕薄設計，MacBook 將會只剩下一個 USB-C 接頭，它將會擔任充電、USB、HDMI、VGA 及 Display Port 等多種介面 (冇提及 LAN)，好複雜？其實香港 Apple Store 已經有相關產品出售，其中一款是 USB-C 的 Hubs，當中包括了 USB 3.0、Mini Display Port 及 USB-C 介面，換言之大家以後除了火牛，還要記得帶這類轉換器，不然 USB 都冇得用。
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
以往大家選購 MacBook 都覺得唔難抉擇，想輕就 Air；追求效能就 Pro，但現在多了 MacBook，它既 Pro 的優點如 Retina 屏幕、8GB RAM 等高配置，又有比 Air 更輕薄的機身，但唯獨是處理器性能最弱，究竟那邊種人會用一部性能低，強配置 (RAM/SSD)的筆電呢？ 講真 Core M 性能係弱，但勉強都夠執相/剪片（小編 用更慢的 Atom 機來做），可是小編 最怕反而係機身介面都靠 USB-C，這點對多媒體工作唔太方便，而且風險較大。單純文書工作，大家可能已經選擇 iPad，唯一真係剩下平時用來上網的悠閒用家，可以享受 Retina 屏幕，又講究性能，但這價錢你又會考慮嗎?
今日 Apple 真係推出 MacBook (MBA Retina) 真係有點意外，設計比 MBA 更輕薄，而且用了 Core-M 處理器及新電池設計來保持 9 小時續航力。雖然好多人都大讚 MacBook，但小編 就認為 MacBook 始終有兩大隱憂，第一個亦係最嚴重係 USB-C 整合所有介面，雖然可用轉換器，但萬一冇帶就連 USB 都冇得用，下場比 MBA 11 無帶讀卡器更慘。第二係性能，雖然 MacBook 有比 MBA 更靚的 Retina 屏幕，但 Core M 性能始終較弱，在運行多個 App 期間表現令人擔憂。綜合資料所得，小編 覺得這次推出的 MacBook 定位比 MacBook Air 還低，感覺純粹 Retina 的 Netbook，同實際預期的 MacBook Air 加 Retina 實在有點出入。
【教學】iPhone 連 Wi-Fi 自動關流動數據 離開 Wi-Fi 自動啟動 、不怕誤用數據 【教學】ChatGPT 香港人付款攻略 毋須外國信用卡訂閱 ChatGPT Plus 【教學】iOS 18.2 Image Playground 好玩教學 生成自己樣子 Emoji + 用自己樣製作卡通圖片
