下個月就復活節喇！大家應該都忙於計劃去旅行，去幾多日其實冇乜所謂，最重要係有 IP-Cam 看門口！最近 D-Link 推出一款超易用的 DCS-935L，簡單幾個步驟就可監視屋企一舉一動。（以下有更多資料。）
這款 D-Link DCS-935L 一睇就知設計簡單易用，頂部屬鏡頭主體，底部為可手動調較角度底座，底部提供掛牆設計，用家只要找個位置安頓好就可接駁電源 (Micro USB)。
▲ DCS-935L 屬手動調較角度的設計，因此安裝時就要決定好位置。
▲ 機背只有 Micro USB 電源及網絡連接的按鈕。
▲ 附掛牆配件。
連接方面，今時今日只要有手機就可輕鬆安裝，首先下載並打開「mydlink Home」就可以搜尋裝置，找到後跟住步驟透過 WPS 連接 Router，看到 LED 變成綠燈就代表完成所有步驟，整個過程都係幾分鐘。
▲ 下載 App 後可掃瞄 QR Code 尋找裝置。
▲ 用最簡單的 WPS 就可跟 Router 連接。
DCS-935L 主要提供靜態功能，透過 App 可監控現場情況，提供 720p 解像度，而且支援夜間紅外線模式，無論日夜都唔會錯過家中情況。不過，紀錄上只設相片拍攝截圖，感覺冇 24 小時拍片般安全，但它仍可透過聲音及動作來通知用家有異常情況。
▲ 支援 720p 實時監控。
▲ 可設定成夜間模式。
▲ 支援音效及動作預測提示。
售價：$999
查詢：Alris (2274 2222)
