自從 Windows 8.1 with Bing 出現後，市場上就愈來愈多 Windows 機，而 Asus 作為 EeePC 始祖，它們最近推出全新 Eee 系列 EeeBook X205，定位都係 Netbook，但賣點竟然標榜自己同 MacBook 咁輕，聽落好似好吸引喎！（以下有更多資料。）
Asus 再推「Eee」令小編 回想當年 Netbook 有幾抵用，而這次 EeeBook X205 (下稱：X205) 其實只係 2015 年 Netbook，老實說「平機」通常都平平無奇，但 X205 最意外係重量跟 Macbook 同樣為 1kg 以下，僅重 980g (MacBook 約 920g) 以 11.6 吋 Notebook 來說，單手拿起都很輕鬆。機身唔算好薄，厚度都有一張 MicroSD，而且只是膠殼，但吸引地方係有金色及其他顏色選擇（可惜小編 手上的是白色)。此外，機內用了標準鍵盤設計，按下比較「輕」手感普通，而 TouchPad 活動空間就比想像「闊落」。
▲ EeeBook X205 僅重 980g，單手拿起都感覺頗輕鬆。
▲外殼屬膠製，外殼有反光面，除了手上白色，佢另外還有金、紅及深藍色（底面殼都轉色）。（香港暫時只有白色及金色)
▲機身都有一張 MicroSD 咁厚，唔身很薄。
▲鍵盤屬標準設計，談唔上好特別，但 TouchPad 就比較「闊落」。
雖然 X205 很輕，但設計就冇仿傚 MacBook 僅用 USB-C 介面，相反佢提供多組接口，包括 2 組 USB 2.0、Micro HDMI 及 MicroSD 讀卡器，除了 HDMI (需轉頭 )，基本上唔帶任何 Adapter 用途都唔受限制（起碼有標準 USB）。不過，這次 X205 不再像以前 EeePC 可自行擴充 (輕的代價)，電池亦不可自行替換，但值得留意係電池聲稱可用 12 小時，而小編 用 BatteryMark 亦錄得負載可連續運行 9 小時，續航力很強，唯一缺點係不能 USB 充電，但向好方面諗用火牛充電會比較快吧！(19V/1.75A)
▲ 機旁設 2 組 USB 2.0、Micro-HDMI、MicroSD 讀卡器及 3.5mm 耳機接口。
▲ 內置電池在 BatteryMark 可預載連續運作 9 小時。
▲ 雖然 Atom 配置好多都支持 USB 充電，，但 EeeBook 堅持使用火牛充電，幸好火牛大細同 USB 火牛差唔多。
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
X205 作為平機當然唔會用 Core M，而是選取 Tablet 用的 Atom Z3735 處理器，性能固然更弱，但應用上仍足夠執相或 720p 剪片 (支援 QuickSync)，加上屏幕僅 1,366 x 768 解像度，對 Atom 絕對不構成壓力。（Yoga Tablet 2 屏幕為 1,920 x 1,200 都冇問題)。
▲ 搭載 Intel Atom Z3735 處理器及 2GB RAM。
▲ 屏幕只有 1,366 x 768 (HD) 解像度，顏色算微偏冷，亮度都算充足。
此外，機內還搭載 2GB RAM 及 32/64GB eMMC 儲存空間，雖則容量細，但好處是反應比傳統硬碟 (HDD) 快很多，類似規格 HP Steam 11/13 之前都用過，用後感覺非常唔錯。若然空間不足，用戶都可考慮可以插入 32GB 以上 MicroSD 或接駁外置硬碟。
▲ 機內使用 eMMC 儲存，容量細，但性能就拍得住 SSD。而 X205 除了 32GB 外，還有 64GB 容量選擇。
▲ 預載 Windows 8.1 with Bing 作業系統，另外還包含 Office 365 一年版本。
或許好多人一見 Atom 就覺得廢，但小編 用 Yoga Tablet 2 (Windows) 咁耐其實都唔覺慢，而 EeeBook X205 我會覺得係一部抵用嘅「工作機」，因為佢滿足晒「輕」同「耐用」兩項條件，而售價亦只是 $1,998 起 (32GB) 及 $2,298 (64GB) (還包 1 年 Office 365)，價錢唔貴。至於 32GB 還是 64GB？小編 會選擇 32GB 再自行加 64GB MicroSD。（小編 ：如果未買 Yoga Tablet 2，我都可能會考慮 EeeBook。）
售價：$1,998 起 (32GB) 、 $2,298 (64GB)
查詢：ASUS（3582 4770）
【報價】ROG Phone 9 系列港行正式發佈 Pro 版機背可打機「攝」時間一流 + 機身設計未大變 + 效能依然出色 大專手提電腦優惠計劃 2024 各電腦品牌學界獨家優惠
